Saru ki gbe gu biata papara akerekuru ngbangbaturũ yo, ki ba ra ku sende yo. Daragona ki ru barangba gu de nikabatika, ya ho ri ka batika ni, u ki riti wiriri.
Ri ki batika wiriri, nga kumbagude, nga gu ko nikazoga arikaaboro dunduko ni ngbondo marã. I ki di wiriri adia ku ari yo du Mbori ni, koyo du gako mbatabakindo ni.
Were i ki ba bakere daragona ku sende yo, nga gu bakuru wo, nga gu ko i aniya ti ko, Bakitingbanga nga Satana, nga banangi aboro kpotosende yo dunduko; i ki niba ko ku sende yo na gako amaraika a.
Mi ki gi bakere fugo ngbangbaturũ yo niya, “Awere bata da na tandu, na gu ngbi nga ga gaani Mbori, pa zoga ahe ki du ni ga gako Kristo; bambiko i aba bakitingbanga awirinarani ku sende yo, nga gu ko nakiti ngbanga awirinarani barangba gaani Mbori na uru na yuru.
Ako angbangbaturũ, si du ka oni ngi angi ti ni, na agu roni naraka rogo ho. Rungo du fu kpotosende na baime, bambiko bakitingbanga azorõ koyo du oni ni na bakere zinga, bambiko ko ini he ya kina bete rago nye fu ko.”
I ki fu pupo bakere dingimo ue fu gu de re, ri gu ku ngbakungba yo, yo du gari ba ni, i ki mbu ti ri yo tipa rago, na arago, na bebere rago, gii bangiri daragona.
Daragona ki zingi gbe fu gu de re, ki ndu ka so vura na yangara awiriri, nga agu yo naka kuti ga Mbori rugute, na agu yo naka kuti gu dezire pai nga ga Yesu.