Thaj dželo o angluno phakalo, thaj ćhorđa e taxtaj pli ki phuv; thaj ćerdile dukha džungale thaj xoljame pe manuša save isilen o belego e divo dživdinutnakoro thaj save teljarenape lakere mose.
Thaj thabljona o manuša kotar baro tatipe, thaj akošle o Anav e Devlesoro save isile o thagaripe upral o munke akala, thaj na jertisajle te den lese glorija.
Thaj o pandžto ćhorđa e taxtaj pli ki bešutni e divo dživdinutnaći; thaj o thagaripe lakoro ćerdilo raćutno, thaj dandarena e ćhibija ple kotar o dukha,
Thaj dikhljum kaj andar o muj e aždajako thaj andar o muj e divo dživdinutnako thaj andar o muj e xoxamne profetosoro ikljona trin bikhosle ođe sar žambe;
Kaj akala si ođe e bengesere save ćerena bilaćhe ćerdipa, thaj džana e thagarenđe e sa vasionaće te ćeden len po maripe bašo Dive odova baro e Devlesoro e Sainćarutnesoro.
Thaj ćerdile e strefina thaj grmavine thaj krle, thaj sinele baro tresipe e phuvljakoro; asavko tresipe e phuvljakoro thaj asavko baro savo na ulo katarkana si o manuša ki phuv.
Thaj o foro baro ulavdilo pe ko trin kotora, thaj o forore e nađangledevleserenge pele; thaj o Vavilono baro sinele mothovdo anglal o Devel te delpe lese taxtaj mol kotar o zoralipe lesere xoljinake.
Thaj kukudi bari sar talanto peli kotar o badali upro manuša, thaj akošena o manuša upro Devel bašo džungalipe kotar e kukudi, kaj si baro džungalipe lesoro.