Gu bambata ko ki ndu ki uka gu he nadu rogo gako kurungbu ku rogo kpotosende; si ki ye ka du ni gbegberẽ furú aoro ti agu aboro naadu na gu nogodinogodi he nga ga nyarinde ti yo, nga agu yo naairisa kpiaru.
Gu ue ko ki uka gu he nadu rogo gako kurungbu ku rogo baime; si ki sa tihe ni kure, wa kure kangba boro; agu ahe nadu rogo baime yo, nga gu du ni ungaha, si ki kpiki dunduko.
Mi ki gi pa gu maraika nga ga aime ko, ko niya, “Mo nga ruru boro, bambiko wa sapu mo ngbanga wa gere, mo nga gu ko du ho, nga gu ko nadu ho mbata, nga gu Ziazia ko.
Gu bisue ko ki uka gu he nadu rogo gako kurungbu ku auru gu mbatabakindo nga ga nyarinde; bitimo ki ti rogo gau ngbi; aboro ki nirunduku mirãyo mbiko egerãha,
Gu sita ko ki uka gu he nadu rogo gako kurungbu ku rogo gu bakere di nga Ferata; imehe ki ugudi ya gene du ni mbakadimbakadi he tipa agu abakindo naye uroyo.
bambiko ami nga atoro adaimona namanga gu pai i aina pa, ti ni nga agu ra naandu fuo abakindo zegino dunduko ka dungura yo sa gu vura nga ga gu bakere rago nga ga Mbori, nga gu ko du na tandu apai dũ.
Aikpira gumba ki du, na afugo, na woro gumba a; bakere bazigizo ki du, si adu nga wo mbata wa aboro adu auru kpotosende te, nga gu bakere bazigizo du na baome.
Gu bakere bakporo ki kparaka rogo biata, agu abaakporo nga ga arikaaboro, si ki tiwi. Mbori ki tingidi pa gu bakere bakporo nga Babera, ka fu gu inga imekakue fu he, nga ga gako ngariangaria zinga.
Bakingidi morogumba ki nitiwi ngbangbaturũ yo ku auru aboro, roãha ki du ni ba sa sa wa akiro 40. Aboro ki nigberẽ ngbayo yo fu Mbori mbiko gu rungosi nga ga morogumba; bambiko gaha rungosi adu ni bakere he gbe.