इंगै बाद बो सुरगदूत मनै पवितर आत्मा में जंगळ में लेग्यो। बठै मैं सात सिर अर दस सींग आळै एक लाल पसु नै देख्यो। ओ पसु निन्दा गै नामा ऊं ढकेड़ो हो अर ईं पर एक लुगाई बेठी ही।
झिको पसु तूं देख्यो है बो पेलां हो। पण अब कोनी है बो अथाह कुण्ड मू निकळगे बिनास में पड़ ज्यैगो। दुनिया गी सरुआत ऊं सारा लोग झिका गा नाम जीवन गी किताब में कोनी लिखेड़ा है। ओ पसु झिको पेलां हो, अब कोनी पण आण आळो है बिनै देखगे अचंभो करैगा।
बे सात राजा बी है झिका में पांचा गो राज खत्म हो'ग्यो है। एक राज करण लागरयो है अर एक अजे तांई आयो कोनी है। जद बो आवैगो तो थोड़ै टेम खातर जरूर बण्यो रेवैगो।
बे सारा मेमणै ऊं लड़ैगा पण मेमणो बानै जीत ल्यैगो। बोई प्रभुआं गो प्रभु अर राजावां गो राजा है। झिको मेमणै गै सागै है बानै चुणेड़ो अर बिस्वास लायक केईजै है।