Gu ni sa dagba amaraika saba, nga agu yo naadu na akurungbu saba, ki ye kono du mi ni, ki fura na mi, niya, “Mo yé kono, mi ayúgo gu sapangbanga foro du tipa gu debari sungu auru dungu aime,
Ko ki tuka re ku ngbakungba yo rogo Toro yo; mi ki bi de sungu auru zamba nyarinde, riru adu saba na gbangaru bawe, rimoru ki du ni kinaku gberãngba yo dunduko.
De ki du ni ukadiukadi ri na ngungungu remu na zamba ha a, ri ki fongo tiri na dahabu, na gu mbia kii genoho gbe, na ambia fongo, inga dahabu ki du be ri ni hisi hisi he ni gbegberẽapai, nga gu biriko ahe nga ga gari pa bari.
Maraika ki ya fere, “Tipagine si airiwo ti ro ti ni? Mi agumba gu gbugbu pai foro nga ga gu de re, na gu nga ga gu nyarinde naatinda ri a, nga gu ru du na riru saba na gbangaru bawe.
Gu nyarinde mo abi ru, u adu ho mbata, ono u ho awetere; u nikakura rogo gu due zanga mburuhe; u ki ndu sa kpio. Ho i ka bi gu nyarinde ni, si airiwo ti agu vo naraka auru kpotosende, nga agu yo i ake nga rimoyo rogo kitabu unga yo ho rago aenge ni ya, mbiko wa u adu ho mbata, ono u ho awetere, u nikaye.
Agi yo re nikaso vura kuti Wiri Kandoro, Wiri Kandoro nikadia be yo, bambiko ko nga Gbia ri agbia, nga Bakindo ri abakindo a. Agu yo du na ko, i nikadia be yo a, nga agu yo i ayambu yo, du ni siasia yo, ni kangarã yo.”