Thaj dija vika zorale krleja, vakerindoj: Pelo, pelo o Vavilono baro, thaj ćerdilo thaneso bešipe e bengenđe thaj phandlipe sakone bikhosle ođese, thaj phandlipe sa e čiriklenge e bikhoslenge thaj ritonenge; kaj pe lakere zoralja lubnikake moljakoro pile sa e selore;
Thaj šunđum o krlo aver e badalestar savo vakerel: Ikljoven andar late, o seloro mlo, te na len lipe ane bezeha lakere, thaj te na arakhen tumen e džungalipa lakere.
Kozom oj pes glorisinđa thaj gudljaćerđa pe, edobor lake den munke thaj dukhajipa; kaj ano vilo plo vakerela: Bešava sar thagarni, thaj phivli nasijum, thaj dukhavipa na ka dikhav.
Odolese ano jekh dive ka avel o džungalipe lakoro: o meripe thaj dukhavipe thaj e bokh, thaj ka ovel thari jagaja; kaj si zoralo o Devljutno Devel savo laće krisinel.
terdindoj dural baši dar kotar o munčipe lakoro, thaj vakerindoj: Avaj, avaj, forona bareja Vavilono, forona zoraleja, sar ano jekh časo alo o kris klo!
Thaj ćhorde e praxoja pumare šere, thaj dije vika rovindoj thaj dobođindoj vakerindoj: Avaj, avaj forona bareja, ane savo barvardile lesere barvalipnaja sare save isilen barke ko derav, kaj ano jekh časo šućarde!
Thaj jekh phakalo lelja o bar baro sar e panisavesoro, thaj frdinđa ano derav, vakerindoj: Ađahar vikaja ka ovel frdimo o Vavilono foro baro, thaj na ka više arakhelpe;
Thaj o krlo e guslarengoro thaj e đilabnengoro thaj bašalutnengoro thaj e trubaćengoro na ka šunđol više ane tute; thaj nisavo phirno ni kotar savo zanato na ka arakhelpe više ane tute, thaj vika e baresiri e panesavesiri na ka šunđol ana tute;
Thaj o rošalipe e lampakoro na ka više mothovđol ane tute, thaj o krlo e prandutneso thaj e borjakoro na ka više šunđol ane tute; kaj e trgovcija kle sinele barutne e phuvljakere, thaj kotar kle mađije xoxavde sinele sa o selore,