ги знам твоите дела, твојот труд и твоето трпение, и дека не можеш да ги поднесеш лошите; и си ги испитал оние што себеси се нарекуваат апостоли, а не се, и си открил дека се лажни;
Сети се, значи, од каде си паднал и покај се, и врши ги поранешните дела; ако, пак, не, скоро ќе ти дојдам и ќе го преместам твојот светилник од неговото место, ако не се покаеш.
ги знам твоите дела, жалоста и сиромаштијата – но богат си; а ги знам и хулењата на оние што за себе велат дека се Јудејци, а не се, туку се собрание на сатаната.
Не плаши се воопшто од она од што наскоро ќе пострадаш. Ете, наскоро ѓаволот некои од вас ќе фрли в затвор за да ве искуша, и ќе бидете нажалени десет дена. Биди верен до смрт и ќе ти го дадам венецот на животот.
ги знам твоите дела, и каде живееш: кај престолот на сатаната; и знам дека го држиш Моето име, и дека не се одрече од Мојата вера дури и во деновите кога Мојот верен сведок Антипа беше убиен меѓу вас, кадешто живее сатаната.
Но имам нешто малку против тебе, бидејќи таму имаш некои што го држат учењето на Валаам, кој го учеше Валак да ги наведе на грев Израилевите синови, та да јадат идолски жртви и да блудничат
Кој има уво, нека чуе што им зборува Духот на црквите: на оној што победува ќе му дадам од сокриената мана, ќе му дадам и бело камче и на камчето напишано ново име, што никој не го знае, освен оној, што го добива!
Но имам нешто против тебе, бидејќи ѝ допушташ на жената Језавела, која себеси се нарекува пророчица, да ги учи и заведува Моите слуги да блудничат и да јадат идолски жртви.
И нејзините чеда ќе ги погубам со смрт, и сите цркви ќе дознаат дека Јас сум Оној што ги испитува внатрешностите и срцата; и секому од вас ќе му дадам според неговите дела.
А вам, на останатите во Тиатир, што не го држите тоа учење и не ги познавте таканаречените „сатански длабочини“, ви велам: нема да ви наложам друго бреме.