|
| 1 |
|
| سَعَنً مَلاَىِٕكَنْ يَنُونَ مِنِ كُواْغِنْ ضُوَ مَيْ بَادَ رَيْ، مَيْ ڨَلِّ كَمَرْ مَدُوبِے، يَنَ غُدُ دَغَ كُجٜىٰرَرْ مُلْكٍ اللَّهْ دَ طَنْ ضَغُوانْ، |
|
| 2 |
|
| يَنَ غُدُ تَڟَكِيَرْ تِيتِنْ بِرْنِنْ كُمَ؞ عَكُواْوَنٜىٰ غٜىٰڢٜىٰنْ كُواْغِنْ كُوَ أَݣَويْ إِتَاثٜىٰ مَيْ بَادَ رَيْ مَيْ حَيْڢُوَرْ یَیَ سَوْ غُواْمَشَا بِيُ أَ شٜىٰكَرَا، يَنَ حَيْڢُوَ سَوْ طَيَ كُواْوَنٜىٰ وَتَ؞ غَنْيٜىٰنْ إِتَاثٜىٰنْ كُوَ دُواْمِنْ وَرْكَرْدَ دُكَنْ أَلْعُمَّيْ نٜىٰ؞ |
|
| 3 |
|
| بَذَاعَ سَامِ وَنِ أَبِنْدَ اللَّهْ يَلَعَنْتَ عَبِرْنِنَّنْ بَ؞ كُجٜىٰرَرْ مُلْكٍ اللَّهْ دَ طَنْ ضَغُوانْ ذَيْ كَسَنْثٜىٰ عَثِكِنْ بِرْنِنْ؞ بَايِنْسَ كُمَ ذَاسُيِ مَسَ سُجَّدَ؞ |
|
| 4 |
|
| ذَاسُ غَ ڢُسْكَرْسَ، ذَاسُ كَسَنْثٜىٰ دَ سُونَنْسَ أَرُبُوثٜىٰ أَغُواْشِنْسُ؞ |
|
| 5 |
|
| بَابُ سَوْرَنْ دَرٜىٰ، بَ كُوَ ذَاسُ بُڧَاثِ ڢِتِلُ كُواْ حَصْكٜىٰنْ رَانَ بَ، غَمَا عُبَنْغِجِ اللَّهْ نٜىٰ ذَيْ ذَمَ حَصْكٜىٰنْسُ؞ ذَاسُ كُوَيِ مُلْكِ حَرْ أَبَدَا أَبَدِنْ؞ |
|
| 6 |
|
| سَيْ مَلاَىِٕكَنْ يَثٜىٰ مِنِ، «وَنَّنْ مَغَنَ غَسْكِيَثٜىٰ، كُمَ تَبَّتَاثِّيَ ثٜىٰ؞ عُبَنْغِجِ اللَّهْ ، وَنْدَ يَبَا أَنَّبَاوَا رُوحُنْسَ ، يَا عَيْكُواْ دَ مَلاَىِٕكَنْسَ يَنُونَ وَبَيِنْسَ أَبِنْدَ ذَيْ ڢَرُ بَدَ دَطٜىٰوَبَ؞» |
|
| 7 |
|
| «غَاشِ كُوَ، إِنَظُوَ بَدَ دَطٜىٰوَبَ! مَاسُ أَلْبَرْكَ نٜىٰ وَطَنْدَ سُكٜىٰ بِيَيَّ دَ كَلْمَرْ أَنَّبْثِنْ لِتَّڢِنَّنْ؞» |
|
| 8 |
|
| نِے يَحْيَى، نَجِ، نَكُمَ غَ وَطَنَّنْ أَبُبُوَنْ؞ دَنَغَمَ جِنْسُ دَ كُمَ غَنِنْسُ، سَيْنَڢَاطِ أَغَبَنْ مَلاَىِٕكَنْ دَ يَنُونَ مِنِ وَطَنَّنْ أَبُبُوَنْ، دُواْمِنْ إِنْيِ مَسَ سُجَّدَ؞ |
|
| 9 |
|
| عَمَّا يَثٜىٰ مِنِ، «كَدَ كَيِ حَكَ! نِے أَبُواْكِنْ بَوْتَرْكُ نٜىٰ، كَيْ دَ یَنْعُوَنْكَ أَنَّبَاوَا دَ كُمَ دُكَنْ وَطَنْدَ سُكٜىٰ بِيَيَّ دَ كَلْمَرْ لِتَّڢِنَّنْ؞ كَيِ وَ اللَّهْ سُجَّدَ!» |
|
| 10 |
|
| يَا كُمَثٜىٰ مِنِ، «كَدَ كَرُڢٜىٰ كَلْمَرْ أَنَّبْثِنَّنْ دَ هَاتِمِ، غَمَا لُواْكَثِ يَيِ كُسَدَ دُكَنْ وَطَنَّنْ أَبُبُوَنْ ذَاسُ ڢَرُ؞ |
|
| 11 |
|
| دُكْ مَيْيِنْ مُغُنْتَا يَثِيغَبَدَ يِنْ مُغُنْتَا، كُمَ دُكْ مَيْيِنْ أَبِنْ ڨَمَ، يَثِيغَبَدَ يِنْ أَبِنْ ڨَمَ، دُكْ مَيْيِنْ أَدَلْثِے، يَثِيغَبَدَ يِنْ أَدَلْثِے، دُكْ كُوَ مَيْ ڟَرْكِے يَثِيغَبَدَ ذَمَنْسَ نَڟَرْكِے؞ |
|
| 12 |
|
| «غَاشِ، إِنَ ذُوَا بَدَ دَطٜىٰوَبَ! ذَنْ ذُواْ تَرٜىٰدَ لَادَنَ، إِنْ بَا كُواْوَ بِسَغَ أَبِنْدَ يَيِ؞ |
|
| 13 |
|
| نِنٜىٰ أَلْڢَ نِنٜىٰ عُواْمٜىٰغَ، نِنٜىٰ نَڢَرْكُواْ، نِنٜىٰ نَڧَرْشٜىٰ، نِنٜىٰ ڢَارَوَ نِنٜىٰ كُمَ ڧَارٜىٰوَ؞ |
|
| 14 |
|
| «مَاسُ أَلْبَرْكَ نٜىٰ وَطَنْدَ سُكَ وَنْكٜىٰ رِيغُنَنْسُ، دُواْمِنْ سُسَامِ إِظْنِنْ ثِ دَغَ إِتَاثٜىٰ مَيْ بَادَ رَيْ، سُكُمَ شِغَ بِرْنِنْ تَڧُواْڢَ؞ |
|
| 15 |
|
| عَمَّا وَطَنْدَ سُكٜىٰ وَجٜىٰ كُوَ سُونٜىٰ مَاسُ ڧَظَنْتَرْدَ كَنْسُ دَ مَاسُ يِنْ سِحِرِ دَ مَاسُ هَلَيٜىٰنْ لَلَتَ دَ مَاسُ كِسَنْ كَيْ دَ مَاسُ بَوْتَرْ غُمَكَ دَ دُكْ وَنْدَ يَكٜىٰسُوانْ ڧَضْيَا يَنَ كُمَ عَيْكَتَاتَ؞ |
|
| 16 |
|
| «نِے، عِيسَىٰ ، نَ عَيْكُواْ دَ مَلاَىِٕكَنَ دُواْمِنْ يَشَيْدَرْ مُكُ وَطَنَّنْ أَبُبُوَ غَ دُكَنْ جَمَعَرْ مَاسُبِے؞ نِنٜىٰ تُوشٜىٰنْ دَاوُدَ دَ كُمَ ذُرِيَرْسَ؞ نِنٜىٰ تَوْرَرُوانْ سَاڢِيَ، مَيْ حَصْكٜىٰ؞» |
|
| 17 |
|
| رُوحُ دَ أَمَرْيَ سُنَ ثٜىٰوَ «ذُواْ!» دُكْ كُوَ وَنْدَ يَجِ وَنَّنْ، شِے مَا يَثٜىٰ «ذُواْ!» دُكْ مَيْجِنْ ڧِشِنْ ضُوَ بَرِ يَذُواْ؞ دُكْ مَيْسُواْ يَكَرْٻِ ضُوَ مَيْ بَادَ رَيْ ݣَوْتَا؞ |
|
| 18 |
|
| نِے، يَحْيَى، إِنَجَنْ كُنّٜىٰنْ دُكْ مَيْجِنْ كَلْمَرْ أَنَّبْثِنْ لِتَّڢِنَّنْ ثٜىٰوَ إِنْ وَنِ يَيِ ڧَارِ عَكَنْسَ، اللَّهْ ذَيْ ڧَارَ مَسَ بَلَعِنْ دَ عَكَ رُبُوتَ أَ لِتَّڢِنَّنْ؞ |
|
| 19 |
|
| إِنْ كُمَ وَنِ يَيِ وَنِ رَغِ عَكَلْمَرْ أَنَّبْثِنْ لِتَّڢِنَّنْ، اللَّهْ ذَيْ كَرْٻِ رَبُوانْسَ نَیَیَنْ إِتَاثٜىٰ مَيْ بَادَ رَيْ دَ نَبِرْنِ مَيْ ڟَرْكِے كَمَرْ يَدَّ عَكَ بَيَّنَ عَثِكِنْ وَنَّنْ لِتَّڢِ؞ |
|
| 20 |
|
| شِ دَ يَشَيْدَ وَطَنَّنْ أَبُبُوَنْ دُكَ يَاثٜىٰ، «حَڧِيڧَ، إِنَ ذُوَا بَدَ دَطٜىٰوَبَ!» أَمِينْ؞ ذُواْ، عُبَنْغِجِ عِيسَىٰ! |
|
| 21 |
|
| بَرِ أَلْحٜىٰرِنْ عُبَنْغِجِ عِيسَىٰ يَكَسَنْثٜىٰ تَرٜىٰدَكُو دُكَ؞ أَمِينْ! |
|
|
|
|