khawpui lai taka kawtthlêrah chuan a luang tlang a, a kam tuakah chuan nunna thing, rah chi hrang sâwm leh pahnih nei a awm, thla tin a rah a, a hnahte chu hnam tin tihdamna a ni.
Ka hnênah, “Hêng thute hi a rinawmin a dik a ni, Lalpa Pathian, zâwlneitea thu sawitu chuan thil lo thleng thuai tûr a bawihte entîr tûrin vântirhkoh a rawn tîr a ni.
Hêng hretu leh hmutu hi kei Johana hi ka ni. Ka hriata ka han hmuh chuan hêng thil mi entîrtu vântirhkoh ke bulah chuan chibai bûk tûrin ka bawkkhup a.
Ani chuan “Khatin ti suh, kei chu i bawihpui, zâwlneite leh he lehkhabu thu zâwmtute bawihpui ve mai ka nih hi, Pathian chibai bûk zâwk rawh,” mi ti a.
Thlarau leh mo chuan, “Lo kal rawh,” an ti a. A hria apiang pawhin, “Lo kal rawh,” ti ve rawh se. Tuihâl apiang lo kal sela, nunna tui duh apiangin a thlâwnin han in rawh se.
He lehkhabua hrilhlâwkna thu hria apiang ka hriattîr e: miin hêng thute hi an belhchhah chuan, Pathianin he lehkhabua hremna sawite hi a belhchhah ve ang.
Tu pawhin he lehkhabua hrilhlâwkna thute hi an lâk bo chuan, he lehkhabua ziak nunna thinga mi leh khaw thianghlima an chan tûr chu Pathianin a lâksak ve ang.