Na tenepo, anju andipangisa nyandza ya madzi a upulumuki akuphenekera ninga vidhuru, mbakhawewa buluka ku mpando wa Umambo wa Mulungu na wa Mwana Bira,
pakati pa nseu ukulu wa mu nzinda. Ntunda na ntunda wa nyandza, kukhali na muti wa upulumuki, ukhabala misapu khumi na kawiri pa caka, kabodzi pa nthanda. Masamba ace ana basa ya kukondza mbumba.
Mbwenye iye andipanga tenepa: “Leka cita penepi! Ndine nyabasa ninga iwe na abale ako, ninga maporofeta pontho ninga ale anakoya mafala a m'bukhu iyi. Lambira Mulungu!”
“Mbatsandzaye ale anafula nguwo zawo [mu ciropa ca Mwana Bira,] toera iwo atawirirwe kudya muti wa upulumuki, pontho akwanise kupita mu nzinda na pa nsuwo.
“Ine Yezu, ndatuma anju wanga kuti adze kalonge umboni kuna imwe pa thangwi ya magereja. Ine ndine N'chici pontho ndine wa Dzindza ya Dhavidhi, Nyenyezi Yakuyetimira ya Macibese.”
Ndisacenjeza kuna onsene anabva mafala a ciporofeta ali mu bukhu iyi kuti: “Munthu angathimizira cinthu mu bukhu iyi, Mulungu anan'thimizirambo nyatwa zidalembwa mu bukhu eneyi.
Ule anabulusa fala ya ciporofeta ya m'bukhu iyi, Mulungu anam'bulusambo phindi yace ya muti wa upulumuki, na mu Nzinda wa Mulungu udalembwa mu bukhu iyi.”