जेह्ड़ा सिंहासणे पर बैठेया था, मैं तिसदे सज्जे हत्थे च इक्क कताब दिक्खी जेह्ड़ी अंदरे ते कने बाहरे ते लिखियो थी, कने जेह्ड़ी सत सील्लां लगाई करी बंद कित्तियो थी।
इसा गल्ला पर तिन्हां स्याणेयां ते इक्क मिन्जो नैं ग्लाणा लग्गा, “मत रो; दिक्ख, यहूदा दे गोत्रे दा सैह़ शेर जेह्ड़ा राजा दाऊदे दे वंशे ते ऐ, तिन्हीं तिसा कताबा जो खोलणे कने तिसा दियां सतां सील्लां जो तोड़णे तांई सैताने जो हराई दित्या ऐ।”
जाह़लू तिन्हीं कताबा जो लेई लेआ, तां सैह़ चारो प्राणी कने सैह़ चौबी स्याणे तिस मेम्ने सामणै गोड्डे भार पेई गै। कने तिन्हां च हर इक्की दे हत्थे च बीण कने धूपे नैं भरोयो सोन्ने दे कटोरे थे, जेह्ड़े लोकां दिया प्रार्थना दे पास्से इसारा करदे हन।
जाह़लू मैं दुवारी भिरी दिख्या, तां मैं तिस सिंहासणे कने तिन्हां प्राणियां कने तिन्हां स्याणेयां दे चौंन्नी पास्से मते सारे सुअर्गदूतां दी उआज़ सुणी, जिन्हां दी गिणती लखां कने करोड़ां दी थी,