پشتی هنگی، من پەرتووكەكا پێچای دیت د دەستێ راستێ یێ وی دا بوو، ئەوێ ل سەر تەختی روینشتی، ئەو پەرتووك ژ هەردوو لایان ڤە یا نڤیسای بوو، ب حەفت موهران یا موهركری بوو.
ئەوان سروودەكا نوی دستراند و دگۆت: «تۆ یێ هەژی كو پەرتووكێ وەرگری و موهرێن وێ ڤەكەی، چنكو تۆ هاتیە ڤەكوشتن و تە ب خوینا خۆ مرۆڤ بۆ خودێ كڕین، ژ هەمی هۆز و زمان و گەل و مللەتان.
پشتی هنگی من بەرێ خۆ دایێ و من دەنگێ گەلەك فریشتەیان بهیست. ئەو ل دۆرێن تەختی و دۆرێن هەر چوار ئافراندیێن زیندی و ریهسپیان بوون، ژمارەیا وان ب دەهان هزار دەھ هزار و هزارەهان هزار بوون.
هنگی من بهیست، هەمی ئافراندیان، ل ئەسمانی و ل سەر ئەردی و ل بن ئەردی و د دەریایێ دا و هەمیێن د وان دا، دگۆت: «پەسن و رێز و مەزناهی و سەروەری هەروهەر بۆ ئەوێ ل سەر تەختی روینشتی و بۆ بەرخی بن.»