Mo gete e mo trouv enn seval blan. Dimoun ki ti pe mont li la, ti ena enn ark; zot ti donn li enn kouronn; lerla li ale kouma enn vinker pou gagn ankor laviktwar.
Lerla enn lot seval rouz vif sorti; dimoun ki ti pe mont li la, ti gagn permision pou fer retir lape lor later, koumsa dimoun pou masakre zot kamarad. Zot ti donn li enn gran lepe.
Ler li ti ouver trwaziem sele, mo tann trwaziem kreatir vivan kriye, “Vini!” Mo gete e mo trouv enn seval nwar; dimoun ki ti mont li la ena enn balans dan so lame.
Mo tann koumadir enn lavwa sorti kot sa kat kreatir vivan la; li ti dir, “Enn mezir dible pou enn denie e trwa mezir lorz pou enn denie, kanta delwil ek divin, pa touse.”
Mo gete e mo trouv enn seval ver pal. Dimoun ki ti pe mont li la apel Lamor, e Ades ti pe swiv li. Ti donn zot lotorite lor enn kar later, pou touy avek lepe, lafaminn, lepidemi e par bann zanimo sovaz.
Zot ti kriye bien for, “Segner tomem Met ki sin ek veritab. Komie letan li pou pran pou ziz bann abitan later e pran to revans pou nou disan ki finn verse?”
Bann lerwa later, bann dimoun inportan, bann zeneral, bann ris, bann pwisan, tou dimoun, esklav ek dimoun lib, kasiet dan bann kavern ek dan lagrot lor montagn.