Oluvannyuma lwa kino, nalaba bamalayika bana, nga bayimiridde ku nsonda ennya ez'ensi nga banyigiriza empewo ez'ensi zireme kukuntira ku nsi, ku nnyanja newandibadde ku muti n'ogumu.
Ne mpulira omuwendo gw'abo abassibwako akabonero nga bawera akasiriivu kamu mu obukumi buna mu enkumi nnya, abaggyiddwa mu buli kika ky'abaana ba Yisirayeli:
Akakumi kamu mu enkumi bbiri abassibwako akabonero okuva mu kika kya Yuda, akakumi kamu mu enkumi bbiri okuva mu kika kya Rubeni, akakumi kamu mu enkumi bbiri okuva mu kika kya Gaadi,
akakumi kamu mu enkumi bbiri okuva mu kika kya Aseri, akakumi kamu mu enkumi bbiri okuva mu kika kya Nafutali, akakumi kamu mu enkumi bbiri okuva mu kika kya Manasse,
akakumi kamu mu enkumi bbiri okuva mu kika kya Simewoni, akakumi kamu mu enkumi bbiri okuva mu kika kya Leevi, akakumi kamu mu enkumi bbiri okuva mu kika kya Yissakari,
akakumi kamu mu enkumi bbiri okuva mu kika kya Zebuluni, akakumi kamu mu enkumi bbiri okuva mu kika kya Yozefu, akakumi kamu mu enkumi bbiri abassibwako akabonero okuva mu kika kya Benyamiini.
Oluvannyuma, bwe natunula, laba ebbiina eddene eritalina muntu n'omu asobola kulibala, nga bava mu mawanga gonna ne mu bika byonna ne mu bantu n'ennimi zonna, nga bayimiridde mu maaso ga nnamulondo ne mu maaso g'Akaliga, bambadde engoye enjeru n'ensansa nga zibali mu ngalo,
Bamalayika bonna baali bayimiridde nga beebunguludde nnamulondo n'abakadde n'ebiramu ebina, ne bagwa wansi ku maaso gaabwe mu maaso ga nnamulondo, ne basinza Katonda
“Kyebava babeera mu maaso ga nnamulondo ya Katonda ne bamuweereza mu Kiggwa kye emisana n'ekiro. N'oyo atudde ku nnamulondo alibanjululizaako weema ye.
Kubanga Akaliga mu makkati ga nnamulondo, ke kanaabafuganga; kalibatuusa ku nsulo z'amazzi ag'obulamu; ne Katonda alisangula buli zziga mu maaso gaabwe.”