Na omomalaika onde agatenena bosio bw’egesasimero ore negetaabo gi’etahabu; ere akaegwa ubani enyinge, anyare koyebeka amo nogosaba kw’abachenu bonsi igoro ase egesasimero gi’etahabu kere bosio bw’ekerogo ki’obonene.
Erio omomalaika akabogoria egetaabo, akageichoria omorero korwa ase egesasimero akayoruta igoro ase ense, na agwo bikaba ogoaka gw’enkoba, na okogukura, na okomesa, na omotengecho bw’ense.
Ensemo ya gatato y’enyancha ekaba amanyinga, na ensemo ya gatato y’ebitongwa bire moyo ime ase enyancha bigakwa, na ensemo ya gatato ye chimeeri chigasarigwa.
Omomalaika o gatato akabugia egetureri kiaye. Erio eng’enang’eni enene ekagwa korwa igoro, yare gwoka buna ekieri; ekagwa igoro ase ensemo ya gatato ye chindooche, na igoro ye chinsoko chi’amache.
Omomalaika o kane akabugia egetureri kiaye. Erio ensemo ya gatato y’erioba egaakwa, na ensemo ya gatato y’omotienyi, na ensemo ya gatato ye ching’enang’eni boigo. Igo ensemo yabo ya gatato ekabekwa omosunte, erinde ensemo ya gatato y’omobaso tobara, nonya nobotuko boigo.