Ondaka avilo aver suecho kai anela iek insensario sunakuno ta thodape angla o altar ta avila leke dino but taimano te thovel le e molimaia kai cherela o santo foro po altar sunakuno kai saia angla o trono.
O purvo suecho basalda e tuturuga ta pela pe phuv krupe ta iag amime e ratea, ta chudinaile pe phuv. Ta iek katar suako trin kasta phabile, ta phabile sa e patra zenele.
O trito suecho basalda e tuturuga ta katar o miloso pelitar iek bari cherain kai phabola sargo iek antorcha, ta peli upral pe iek katar suako trin lena ta pe paia kai liken katar e phuv.
O starto suecho basalda e tuturuga ta avile ranime iek katar e trin riga e khameke ta katar o chon ta katar e cheraia te sai cherdon truniariko iek katar suako trin lendar ta te na avel villelo ande iek katar suako trin vreme e lliveseke ta i e rachake.
Ta mapalal dikhlem ta asundem iekhe suecho kai furiala po maskaral katar o miloso ta phenela bare avazea: ¡Tesko, tesko e llenenge kai zivin pe phuv cheres ogola tuturuge kai si te basalen e trin suechura!