Thaum nws qheb lub niag qhov tob tob ntawd, muaj pa taws tshwm hauv lub qhov ntawd tuaj zoo yam li tej pa ncho hauv lub qhov hluavtaws hlob hlob. Lub hnub thiab saum nruab ntug kuj tsaus ntuj nti vim cov pa ncho uas tawm hauv lub qhov ntawd.
tsis kheev cov kooj ntawd ua phem rau tej nyom hauv ntiajteb lossis tej nplooj ntsuab lossis tej xyoob ntoo tiamsis ua phem rau cov neeg uas tsis muaj Vajtswv lub cim nias rau ntawm hauv pliaj xwb,
Cov kooj txig ntawd lub cev zoo ib yam li tej nees npaj txhij yuav ua rog. Saum lawv taubhau muaj ib yam zoo li lub mom kub, thiab lawv lub ntsej muag zoo li neeg.
Hauv zaj yog toog kuv pom cov nees zoo li no. Cov uas caij nees hnav daim hlau thaiv hauv siab uas liab ploog li nplaim taws thiab tsamxem li qe zeb phaithu thiab daj li lawj faj. Cov nees li taubhau zoo yam li taubhau tsov ntxhuav, thiab muaj hluavtaws, pa taws thiab lawj faj tawm hauv lawv lub qhov ncauj los.
Neeg raug peb yam vij sub vij sw no tua tag ib feem hauv peb, yog raug hluavtaws thiab pa taws thiab lawj faj uas tawm hauv cov nees qhov ncauj los tua.
Cov nees no lub hwjchim nyob ntawm lawv lub qhov ncauj thiab ntawm lawv tus kotw. Lawv tus kotw zoo li tus nab muaj taubhau uas lawv siv ua phem rau neeg.
Cov neeg tseem tshuav nyob uas tsis raug tej vij sub vij sw no tua lawv kuj tsis ntxeev dua siab tshiab ntawm tej uas lawv txhais tes ua, thiab tsis tseg qhov uas pe dab thiab tej dab mlom nyiaj dab mlom kub dab mlom pob zeb dab mlom ntoo uas tsis txawj pom tsis txawj hnov tsis txawj mus kev.