Ta putarda o bunari katar e jar ta likisto thuv sargo o thuv kai likel katar iek bari furnava. Ta o kham cherdilo truniariko, ta i e balav cheres o thuv e bunareko.
Ta phendilo lenge te na zatrin e patra e phuviake ta nisavo zenelipe ta ni iek kas samo te zatrin e manusen kai ni saia len o sello e Devleko pe lengo chikat.
Gia dikhlem sargo ande iek suno e gra ta e boñikura kai llana pe lende kai sea len kore sastrune sargo e iagake sargo o safiro ta sargo o asufre. Ta e grastenge sore sea sargo sore lionoke ta katar lenge muia likela iag, thuv ta asufre.
Ta ogola manusa kai ni mule cheres gala zatranie, ni gia ni keisaile katar e ezgode kai cherena pe vastenchar ta ni mukle te blagosin e llavolonen ta e delen kai si cherde katar o sunakai, katar o rup katar o tuch katar o barr ta katar o kas, a gola dela ni dikhen ni asunen ta ni phiren.