|
| 1 |
|
| Ogẹn Abimẹlẹkị a ghagụ, Tola nwa Pụa nwa Dodo, onyẹ ebọn Isaka, hụn bi obodo Shamiri alị-ugu Ifrem nọ pụha, gbapụha Izrẹlụ. |
|
| 2 |
|
| Ahụa ẹtọ kwasị ọgụn k'ọ hannị ndị Izrẹlụ eṅẹn, du wẹ, ọ nọ nwụnhụn, wẹ nọ li ẹ ye Shamiri. |
|
| 3 |
|
| Ogẹn Tola a ghagụ, Jaịrị onyẹ Gilẹdị nọ pụha. Ahụa ẹbụọ kwasị ọgụn k'o hannị Izrẹlụ eṅẹn, du wẹ. |
|
| 4 |
|
| Ikẹnnyẹ iri kwasị ọgụn k'ọ mụ; w'e nyin jaki iri kwasị ọgụn; obodo iri kwasị ọgụn rị okpuru wẹ imẹ alị Gilẹdị. Javotu-Jaịrị hụn wụ “Ụmụ-alị Jaịrị” kẹ w'a kpọkwọ nwan obodo ndị hụ d'e ru tannị. |
|
| 5 |
|
| Jaịrị a nwụnhụn, wẹ nọ li ẹ ye Kamọnụ. |
|
| 6 |
|
| Omẹgụ, ndị Izrẹlụ nọzị mẹ eje-ihiẹn ẹnya Osolobuẹ, femẹ mmọn Baalụ lẹ mmọn Ash'ta lẹ mmọn-lẹ-iyi ndị Aram, ndị Sidọnụ, ndị Mụabụ, ndị Amọnụ lẹ ndị Filistia. Makẹni wẹ gbakitọ Osolobuẹ azụụn, efezini wẹ ẹ, |
|
| 7 |
|
| Osolobuẹ nọ gi olulu sọn ndị Izrẹlụ, we wẹ ye ndị Filistia lẹ ndị Amọnụ bịangbu. |
|
| 8 |
|
| Wẹ nọ mẹshimẹ ndị Izrẹlụ ikẹn ahụa hụ, bịangbumẹ wẹ. Ọrọgbọ ahụa mmẹsatọ, wẹ hụ a bịangbu ndị Izrẹlụ ile bikunmẹni wẹ ẹbamịn ọwụwa-ẹnyanwụn Iyi-Jọdanị, imẹ Gilẹdị rị alị ndị Amọ. |
|
| 9 |
|
| Ndị Amọnụ nọzị fetu Iyi Jọdanị d'a lụsọnzịkwọ ndị Izrẹlụ ebọn Juda lẹ Bẹnjamini lẹ Ifrem agha; ndị Izrẹlụ nọ ri ụya ọda-ọda. |
|
| 10 |
|
| Ya ndị Izrẹlụ nọ kwanghọsị Osolobuẹ, sị, “Ẹnyi e mẹọlẹ i njọ, makẹni ẹnyi la ịyụ wụ Chuku ẹnyi tọ, femẹ Baalụ.” |
|
| 11 |
|
| Osolobuẹ nọ sị ndị Izrẹlụ, “Ogẹn ndị Ijiptu, ndị Amọ, ndị Amọnụ, ndị Filistia, |
|
| 12 |
|
| ndị Sidọnụ, ndị Amalẹki lẹ ndị Mawọnụ gisọnmẹ bịangbu ụnụ, ụnụ a kwanghọsị m nị m yeni ụnụ ẹka, a gbapụhanị m ụnụ ẹka wẹ? |
|
| 13 |
|
| Kanị, ụnụ a gbakitọgụọ m nwan azụụn, femẹ mmọn-lẹ-iyi; azụọpụhakọzị m ụnụ. |
|
| 14 |
|
| D'a kwanghọsị nị mmọn-lẹ-iyi ndị ahụn ụnụ họrị; wẹ zụọpụha nwan ụnụ imẹ nsọngbu.” |
|
| 15 |
|
| Ndị Izrẹlụ nọ sị Osolobuẹ, “Ẹnyi e mẹọlẹ i njọ nke-esi; mẹ ẹnyi ihiẹn ọwụlẹ sụọn'ị, ka zụọpụha ẹnyi ujeni, dodo!” |
|
| 16 |
|
| Ya wẹ nọ kwapụchanrịn mmọn-lẹ-iyi ichẹn-ichẹn wẹ rị e fe imẹ igunrun wẹ, femẹ Osolobuẹ. Osolobuẹ nkẹ asazịnị ẹka din ụya ndị Izrẹlụ rị e ri. |
|
| 17 |
|
| Mgbe ndị Amọnụ gi kpọ ndị alị wẹ oku-agha, kọnrin agha, bịa d'a nọdị Gilẹdị, ndị Izrẹlụ nkẹ nọ zu, bịa d'a nọdị Mizpa. |
|
| 18 |
|
| Ndị-isi Gilẹdị nọ sị ibe wẹ, “Onyẹ k'e du ẹnyi d'a lụsọn ndị Amọnụ ọgụn sikọ d'a kịma ndị ile bi Gilẹdị.” |
|
|
|
|