Mapalal katar o Abimelek, iek lleno katar e vicha e Isakareki kai ikhardola Tola, chavo katar o Pua ta unuko katar o Dodo, vazdinailo te braduil e Israele. O Tola zivila ando Samir po burdo katar o Efrain.
A e israelitura pale cherde o bilachipe angla e akha e Devleke ta blagosisarde e Baale ta e Astarte ta i blagosisarde e delen katar e Siria, Sidon, Moab, Amon ta katar e filisteura. Mukle te blagosin e Devle.
Sar kotar ande desojto burs e filisteura ta e amonitura dukhade zurale e israelen kai zivina ando Galaad, pe ogoia rig katar o Jordan, ande phuv katar e amorreura.