To Gilead ne nigi chiege hie, ma nonywolone yawuowi mogwarore, kendo kane yawuotego osedoko madongo ne giriembo Jeftha, ka giwachone niya, “In ok inyal chamo gikeni mag wuonwa, nikech ok in owadwa ma hie.”
Omiyo Jeftha nodhi Mizpa gi jodong Gileadgo, mi jo-Gilead nokete jatendgi kendo ruodhgi. Eka nonwoyo e nyim Ruoth Nyasaye, mana weche mane osewacho ni jodongo ka.
Eka ne gioro joote ir ruodh Edom, ka gikwaye mondo oyie gikadhi e pinye, to notamore mi ne gioro wach ni ruodh Moab bende, to en bende nodagi. Omiyo jo-Israel nobedo abeda Kadesh.
“Bang’e ne gidhi nyime ka ging’ado thim. Ne giluwo yo ma lworo piny Edom gi piny Moab nyaka ne gichopo yo wuok chieng’ mar Moab e bath aora Arnon. Ne gibworo kanyo, to ne ok ging’ado aora nikech en tong’ piny jo-Moab.
Kamano ne gikawo piny jo-Amor chakre aora Arnon yo milambo nyaka aora Jabok man yo nyandwat, kendo chakre thim yo wuok chieng’ nyaka aora Jordan yo podho chieng’.
“Donge un udak e piny mane Kemosh nyasachu omayo wegi, momiyou? Kamano e kaka wan bende nyaka wadag adaga e piny mane Ruoth Nyasaye ma Nyasachwa omiyowa.
Jo-Israel osedak Heshbon gi Aroer gi mier matindo duto mokiewo kodgi, kaachiel gi mier man e bath aora Arnon kuom higni mia adek. En ang’o ma osebedo ka monou kawogi kuom hignigo duto?
Wan pok wakethonu, to un koro utimonwa marach kuom kedo kodwa. Ruoth Nyasaye e jang’ad bura, kendo kawuono obiro ng’ado bura e kind jo-Israel gi jo-Amon.”
to ng’at ma nokwong wuok e dala moromo koda, ka aduogo bang’ loyo jo-Amon e lweny, nobed ng’at mowal ni Ruoth Nyasaye, kendo anachiwe ka misango miwang’o pep.”
Kane Jeftha odok dalagi Mizpa, nopo koneno nyare ka ema biro romone, kagoyo thum kendo miel. Mano nene e nyathine kende. Noonge gi wuowi kata nyako machielo.
Kane onene, noyiecho lepe, koywak, mowacho niya, “Yaye nyathina! Ichodo chunya! Ang’o momiyo in ema ikelona chandruokni? Asekuong’ora ni Ruoth Nyasaye kendo ok anyal lokora!”
Eka nomedo wacho ni wuon mare niya, “Yie akwayie gimoro achiel kende. Wena thuolo kuom dueche ariyo mondo adhi aba ewi gode ka aywak nikech abiro tho kapod an nyako ngili mapok ong’eyo chwo.”
Bang’ dueche ariyogo, nodwogo ir wuon mare, mi wuon notimone mana kaka nosekuong’ore. Notho nyako ngili ma pok ong’eyo chwo. Mano ema nobedo chakruok mar tim jo-Israel