Bang’ kinde moko e ndalo kayo ngano, Samson nokawo nyadiel modhigo limo nyako mane oyudo okendo cha. Nokwayo jaduong’ne niya, “Adwaro dhi neno chiega e ot ma entie.” To jaduongg’ne nodagi ni ok onyal donjo e odno,
Nomoko menygo gi mach, mogonyo bwego mondo odhi e puothe jo-Filistia mag ngano. Kamano nowang’o ngano mane oseka, kaachiel gi mago mane pok oka. Puothe mag olembe bende nowang’.
Kuom mano, jo-Juda alufu adek nolor modhi e lwanda morokore man Etam, mi giwacho ni Samson niya, “Donge ing’eyo ni wan e bwo loch jo-Filistia? Koro neye masira ma isekelo kuomwa.” En to nodwokogi niya, “Natimonigi mana kaka ne gitimona.”
Ne gidwoke ni, “Ooyo, wabiro mana tueyi, eka bang’e waketi e lwet jo-Filistia, to ok wabi negi.” Kamano ne gitueye gi tonde ariyo manyien, mi gigole e lwanda morokoreno.
Kane Samson ochopo Lehi, jo-Filistia nogoyo koko gi mor, kadhi ire. To Much Ruoth Nyasaye nobiro kuome gi teko, mochodo tonde mane oyudo otuego bedene, mana ka gima ne gin omimi ma much mach ogoyo.
Mi Nyasaye nobaro kama otimo bugo man Lehi, mi pi nowuok kanyo. Samson nomodho pigno, mi chunye oduogo. Mano emomiyo sokono nochak ni En-hakore, (tiende ni, soko ng’at maywak.) Sokono pod ni kuno nyaka chil kawuono.