O ru, mmọn-ozi Osolobuẹ nọ gha Gil'galụ bịa Bokim, sị ndị Izrẹlụ, “Mmẹ gha alị Ijiptu wepụha ụnụ, du ụnụ ye alị hụ m kun enwẹn m kwe nkwa nị m k'e ye ndị nẹdi ụnụ kanị. M sị, ‘Onwọnni ogẹn m'e gi tikpọ nkwerigbama rị ẹgbata mmẹ lẹ ụnụ,
Ndị Izrẹlụ fe Osolobuẹ ọrọgbọ hụ ile Joshụa gi rị ndụn, fe ẹ ọrọgbọ ahụn ile ndị-isi hụn họdụnị k'ọ nwụnhụngụ gi rị ndụn, ndị-isi hụn gi ẹnya hụn okẹn-ihiẹn ile Osolobuẹ rụnnị Izrẹlụ.
Osolobuẹ nọ gi ọnụma sọn ndị Izrẹlụ, we wẹ ye ẹka ndị ohin, wẹ hụ a maye wẹ, a narịn wẹ ihiẹn wẹ; o re wẹ ye ndị iṅẹnrẹn wẹ rị wẹ azụụn ile, asazịnị wẹ ẹka che wẹ ọgụn.
Ogẹn ọwụlẹ Osolobuẹ gi ye ndị Izrẹlụ onyẹ-ndu a hannị wẹ eṅẹn, o sikọ d'a nọyeni onyẹ-ndu hụ, zụọpụha wẹ ẹka ndị-iṅẹnrẹn wẹ onyẹ-ndu hụ e we nwụn, makẹni omikẹn wẹ e mẹ Osolobuẹ wẹ gha a sụn udẹn okpuru ndị rị e mẹshi wẹ ikẹn a bịangbuni wẹ.