|
| 1 |
|
| KWAZA kwenyuka ingelosi kayehova e‐Gilegale, yaya e‐Bokime, yati: Ndininyusile e‐Jipete, ndanizisa ezweni endibe ndifunga ngalo koyihlo benu, ndati: Andiyi kulwapula ucebano lwam nani kude kube ngunapakade; |
|
| 2 |
|
| kanjalo nina aniyi kulwenza ucebano nabemi belilizwe; izibingelo zabo nozicita. Kodwa anipulapulanga ilizwi lam: yinina ukuba nikwenzile oku? |
|
| 3 |
|
| Ngako ndibuye ndati: Andiyi kubagxota ebusweni benu; kodwa boba njengameva emacaleni enu, notixo babo boba ngumgibe kuni. |
|
| 4 |
|
| Kwaye kute, nxa ingelosi kayehova ibitetile lamazwi kulo lwonke usapo luka‐Sirayeli, bandula abantu bapakamisa ilizwi labo, balila. |
|
| 5 |
|
| Baza babiza igama lalondawo nge‐Bokime, babingela kuyehova. |
|
| 6 |
|
| KEKALOKU akuba u‐Yoshuwa ebendulule abantu, lwaya usapo luka‐Sirayeli olunye ngolunye elifeni lalo, ukuya kufuya ilizwe. |
|
| 7 |
|
| Baza abantu bamkonza uyehova yonke imihla ka‐Yoshuwa, nayo yonke imihla yabadala ababesidla ubomi kade emva kwo‐Yoshuwa, ababebonile wonke umsebenzi omkulu kayehova, abewenzele o‐Sirayeli. |
|
| 8 |
|
| Wada wafa u‐Yoshuwa, unyana ka‐Nune, isicaka sikayehova, eyiminyaka ilikulu lineshumi ubudala bake. |
|
| 9 |
|
| Baza bamncw̔abela emdeni welifa lake e‐Timnate‐heresi, entabeni yakwa‐Frayime, ngecala lasenode lentaba ye‐Gahashe. |
|
| 10 |
|
| Sada sonke esosizukulwana naso sabutelwa kubo oyise baso. Kwaye kuvuka isizukulwana simbi emva kwabo, esibe singamazi uyehova, kwa nomsebenzi abewenzele o‐Sirayeli. |
|
| 11 |
|
| Lwandula usapo luka‐Sirayeli lwenza okukohlakeleyo emehlweni kayehova, lwakonza o‐Bali: |
|
| 12 |
|
| lwamshiya uyehova, utixo woyise balo, owalupumisa elizweni le‐Jipete, lwalandela otixo bambi, abakubo otixo babantu abalungqongayo, lwazitoba pambi kwabo, lwamqumbisa uyehova. |
|
| 13 |
|
| Lwamshiya ke uyehova, lwakonza u‐Bali no‐Hashetorete. |
|
| 14 |
|
| Yaza yavuta ingqumbo kayehova ngakubo o‐Sirayeli, owabanikela esandleni sabatimbi ababatimbayo, wabatengisa esandleni sentshaba zabo ezingqongayo, bada ababi senakuma ebusweni bentshaba zabo. |
|
| 15 |
|
| Apo kusukuba bebepumela kona, isandla sikayehova besingakubo bube bububi, njengokuba uyehova ebetshilo, nanjengokuba uyehova ebefungile kubo; bada baxinezeka kakulu. |
|
| 16 |
|
| Waza uyehova wavusa abagwebi, ababasindisayo esandleni sabatimbi babo. |
|
| 17 |
|
| Kodwa abapulapula abagwebi babo noko, koko baṙexezela emva kwotixo bambi, bazitoba pambi kwabo: bapambuka kamsinya endleleni ababehamba ngayo oyise babo, bepulapula imiyalelo kayehova; kanti abenje njalo bona. |
|
| 18 |
|
| Naxeshekweni uyehova wabavuselayo abagwebi, wandula uyehova wanaye umgwebi, wabasindisa esandleni sentshaba zabo yonke imihla yomgwebi: ngokuba uyehova ebenosizi ngako ukutswina kwabo ngenxa yabancinezeli babo nababandezeli babo. |
|
| 19 |
|
| Kwaza kwati, akufa umgwebi, babuya bazonakalisa ngapezu kwoyise babo, ngokulandela otixo bambi, ukubakonza, nokuzitoba pambi kwabo; bebengayeki ezabo izenzo neyabo indlela elukuni. |
|
| 20 |
|
| Ngako ingqumbo kayehova yavuta ngakubo o‐Sirayeli; wayesiti: Ngokokuba ababantu belugqitile ucebano lwam endabayalela oyise babo ngalo, nokuba bengapulapulanga ilizwi lam; |
|
| 21 |
|
| kwa nam andiyi kwalekela ukugqogqa namnye umntu ebusweni babo, kwezontlanga wabezishiya u‐Yoshuwa nxa wabubayo: |
|
| 22 |
|
| ukuze ndibalinge ngazo o‐Sirayeli, ukuba baya kugcina indlela kayehova ukuhamba ngayo, njengokuba oyise babo bebeyigcina, nokuba abayi kuyigcina kusinina. |
|
| 23 |
|
| Ngako uyehova wasalisa intlanga ezi, engazigqogqi kamsinya; wabengazinikelanga esandleni sika‐Yoshuwa kanjako. |
|
|
|
|