la b yet Sẽn-Ka-Saab yaa: «Sẽn-Ka-Saab sẽn yaa Israyɛll Wẽnnaam, maana a wãna, tɩ yell a woto paam Israyɛlle? Maana a wãn tɩ Israyɛll buud a yembr sɛ zãnga?»
Israyɛll nebã sokame yaa: «Israyɛll buudã fãa sʋka, yaa bu-bʋg n ka tũ nebã n kẽng Sẽn-Ka-Saab taoor Mispa? Bala, tõnd dag n wẽename n yeel tɩ ned ning fãa sẽn ka tũ-a n kẽng Sẽn-Ka-Saab taoor Mispa, bɩ b kʋ a soaba.»
Tõnd na n maana a wãn n sõng b neb nins sẽn ketã tɩ b paam pagba? Bala, tõnd dag n wẽena ne Sẽn-Ka-Saab yʋʋr n yeel tɩ tõnd ka na n dɩk d kom-pugli wã n kõ-b tɩ b maan b pagb ye.»
Dẽ, Israyɛll nebã sokame yaa: «Rẽ yĩnga, buud bee Israyɛll buudã sʋk n ka tũ n kẽng Sẽn-Ka-Saab taoor Mispa bɩ?» La b mikame tɩ Galaad-Yabɛɛs ned ba a yembr ka wa tiging sẽn zĩnd tãb-sikẽ wã ye.
Israyɛll nebã fãa naaga taab n tʋm neb tɩ b kẽng Benzame buudã sẽn be Rimo pĩigã sẽnẽ wã nengẽ n tɩ yeel-b tɩ zabr ka leb n be Israyɛll nebã ne Benzame nebã sʋk ye.
Wakat-kãnga, Benzame nebã lebg n waame. Dẽ, b rɩka Galaad-Yabɛɛs kom-pugli nins b sẽn bas n ka kʋ wã n kõ Benzame nebã tɩ b maan b pagba, la pagbã sõor ka sek tɩ ta bãmb fãa ye.
Tõnd yaool n ka tõe n dɩk d mens kamb n kõ-b tɩ b maan b pagb ye. Bala, Israyɛll nebã rag n wẽename n yeel tɩ Israyɛll ned sã n dɩk a biig n kõ Benzame buudã ned t'a maan a paga, bɩ kãab-wẽng zĩnd a soab zugu.»
Israyɛll nebã leb n yeelame: «Ade, yʋʋmd fãa, b maanda tigr Sɩlo n waoogd Sẽn-Ka-Saabo.» Sɩlo bee Betɛll rɩtgo, n kell n be sor ning sẽn yit Betɛll n dabd Sɩkɛmã yaang sẽnẽ, n be Lebona goabga.
La yãmb sã n wa n yãnd Sɩlo pʋg-sadbã sẽn yi n na n sao, bɩ y yi tɩ yãmb ned kam fãa wudg n yõk pʋg-sad a yembr n tall n kuil a yir Benzame nebã soolmẽ n tɩ maan a paga.
Sã n mik tɩ bãmb ba-rãmbã bɩ b tãopã rat n wa zaba ne tõndo, tõnd na n yeel-b lame tɩ b maan Benzame buudã sugri, tɩ bala, Yabɛɛs zabrã wakate, tõnd ka paam pagb n kõ bãmb ned kam fãa ye. Sẽn ka yãmb mens n dɩk y kom-pugli wã n kõ-bã, taal ka na n zĩnd yãmb zut ye.»
Dẽ, Benzame nebã maana a woto. Bãmb ned kam fãa yõka pʋg-sad a yembr pʋg-sadb nins sẽn yi n na n sao wã sʋk n tall n kuil a yiri. Bãmb lebg n tɩ lebs n mee tẽmsã n kẽ.