Buuda sẽn keesã yɩɩ Filisti dĩm dãmb a nu wã n paas Kanaã rãmba, Sidõ rãmba la Ivitse sẽn da zao Libã tãmsã, sẽn sɩng Baal-Ermõ tãngã n tãag Lebo-Amat.
A paama Naaba-Wẽnd vẽnegre n lebg a Israyɛl bʋ-kaooda la a sɩngame n na n zab n fãag a saam-biisi. Naab a Wẽnd dɩka Edom dĩm a Kusãn-Risatayim n sagl a nugẽ. A tõog-a-la zãnga.
A Kenaz biiga Otniyɛl kaalem poore, a Israyɛl le yik n tʋma sẽn pa noom Soaala-Wẽnde, la Wẽnd tõg-tõga Moab dĩm a Eglõ t'a yik zabr ne a Israyɛl, a sẽn da ka le maan sẽn tat Naaba-Wẽnd yama yĩnga.
A Israyɛl kelma Naaba-Wẽnde la Wẽnd kõ-a-la fãagda, a Ewud, Bẽnzame roog dao, a Gera, biiga. A Ewud da yaa gob-tɩɩsenga. Israyɛl kamba wa n yeel-a lame t'a tɩ kɩs fadg a Eglõ, Moab dĩma.
B taa Gilgal tẽn-kuga zĩigẽ t'a Ewud lɛɛg n wa yeele: «Dĩma, ad-y m tara koɛɛg ne yãmba, la yaa maam ne yãmb koɛɛg bala.» Dĩma kɩtame tɩ sẽn da be-b ne yẽ wã fãa yi.
A Ewud kẽeme, dẽ tɩ dĩma zao-la a yĩngr doogã n kokd pemsem. A Ewud yeelame: «Yaa Wẽnd koɛɛg la m wat n na n taas yã, dĩm sõngo.» Dĩma yika tao-tao bala a goeela zugu.
A paam n loogame tɩ sõgen-kamba yaool n lɛɛg n wa la b mikame tɩ yĩngr dooga kʋɩleng pagame. Dẽ la b walem taaba: «Daare a fẽegda a yõore rooga pẽg-maasgẽ.»
A yeel-b lame: «Pʋg-y maam tɩ Soaala-Wẽnd dɩka y bɛɛbã, Moabitsã, n sagl y nusẽ.» B pʋg-a lame, b zoeeme n wãag kʋɩlga sẽn tõe n dʋʋg zĩig ningã la ned ba a ye ka paam n dʋʋg Zʋrdẽ ye.