|
| 1 |
|
| Kaaliiqi Israeeloota jife la"aranna olunni xaadde egentinokkiri ola rossara yee, tenne gosa giddonsa heedhanno gede aguri. |
|
| 2 |
|
|
|
| 3 |
|
| Hatti gosano: Filisxeeme 5 gashshaanonsa ledo, Kana"aanootu gudisante, Sidoonootahonna Libaanoosi Ilaalira Ba"aalihermooninna Hamaati Lawo mereero heedhanno Hiwootaati. |
|
| 4 |
|
| Hakkuri, Kaaliiqi Muse widoonni qole akaakkansara uyino hajajo ayirrissannoronna hooggannoro afate yine agurroonnireeti. |
|
| 5 |
|
| Kunnira, Israeele Kana"aanootu, Hitootu, Amooraawootu, Ferizootu, Hiwootunna Iyaabuusootu ledo heedhu. |
|
| 6 |
|
| Israeelootuno insa seenne adhitu; uminsa seenneno insa oosora uyitu. Magannansano magansidhu. |
|
| 7 |
|
| Israeelootu Kaaliiqi albaanni bunshe assitu. Kaaliiqa Maganonsano habbe, Ba"aalitanna Astaarooti maganna magansidhu. |
|
| 8 |
|
| Kaaliiqi Israeelete lowo geeshsha hanqino daafira, Mesiphexoomiyu mootera Kusiristemira sayise uyinsa. Isino Israeele 8 diro borojjimma gashshi. |
|
| 9 |
|
| Israeele Kaaliiqiwa raartu yannara kayinni, hakkiichinni fushshannonsa gede, Kaaleebihu maa'nu rodii Qeneezi ilinoha Gotooniyaali kayisinsa. |
|
| 10 |
|
| Gotooniyaalirano Kaaliiqi Ayyaani dirrisi. Isino Israeelete albisa ikke olaho fuli. Kaaliiqi Mesiphexoomiyu moote Kusiristemi sayise uyinosi daafira qeeli. |
|
| 11 |
|
| Qeneezi beetti Gotooniyaali reyi barri geeshsha baatto 40 diro keere heedhu. |
|
| 12 |
|
| Israeele xaano Kaaliiqi albaanni bunshe loossu; konne assansanni Kaaliiqi Moaabi moote Egilooni Israeelete wolqisanno gede assi. |
|
| 13 |
|
| Amoonootunna Amaaleqootu isira ha'lite Israeele qasse saattu wo'mino katama Iyyaarko amaddu. |
|
| 14 |
|
| Moaabi moote Egilooni Israeele 18 diro kade gashshino. |
|
| 15 |
|
| Israeele xaano Kaaliiqiwa higge raartu. Kaaliiqino Biiniyaamicha guracho Geraani beetto Naoodi gaarame fushshannonsa gede kayisi. Israeele Naoodira giwire anga worte Moaabi mootewa Egilooniwa sokku. |
|
| 16 |
|
| Isino mitte cigile ikkitannota 2 qari bise tunsiisi're uddanosi giddoonni qiniitichu tafira qodhi. |
|
| 17 |
|
| Giwireno du'mu Moaabi mootera Egiloonira haa're ha'ri. |
|
| 18 |
|
| Naoodino giwire uyihu gedensaanni, giwire duhe marino manna ha'ranno gede assi. |
|
| 19 |
|
| Isi kayinni Galgala kinna boncanniwa iillihu gedensaanni galagale hige mootenniwa mare, «Moote, maaxe kuleemmoheri hee'reenna galagale higoommo» yiisi. Mooteno, «Hanni gobbaanni agarre!» yeenna mulesi noo soqqamaano baala agurte fultu. |
|
| 20 |
|
| Hatte yannara moote minu iima minnoonnihura qiidadu daasi giddo ofolle no. Naoodino shiqqi yee, «Maganuwiinni atera abboommohe sokka nooe» yiisi. Mooteno ofollinowiinni gotti yee kai. |
|
| 21 |
|
| Naoodino guracho anganni qiniitichu tafi widoonni qodhe noo bise fushshe mootete godowa qase xoroorrisi. |
|
| 22 |
|
| Amandanniwi nafa gatikkinni bise gudisante godowisira e'u; xoroorrisse badheenni fultu. Mooruno bise beeshshe amadi. |
|
| 23 |
|
| Hakkunni gedensaanni Naoodi daasu furcho hige fule, mine gobbaanni cufe qulfe gane ha'ri. |
|
| 24 |
|
| Naoodi ha'rihu gedensaanni, mootete soqqamaasine dagge minu gobbaanni cufame nooha affu. Insano, «Giddoonni shumate ofollella hee'rannona» yite heddu. |
|
| 25 |
|
| Agarte agarte hoogge, moote cufana fana hoogita insanni qulfe haadhe fantu. Fantanno woyite mootensa ree diriire nooha affu. |
|
| 26 |
|
| Mootete soqqamaano daasu waalchira uurrite heedheennanni Naoodi xeerti're ha'ri. Kinna boncanni widoonni hige Sertayimira sae ha'rino. |
|
| 27 |
|
| Hakkiira iillanni hee'renninni, mannu olaho fulanno gede ilaalaame Efireemi gobbara xurumba ufuufi. Israeeleno isi hoode gaaru aaninni dirritu. |
|
| 28 |
|
| Isino, «Diina'ne Moaabi Kaaliiqi anga'nera sayise uyino'ne daafira hoode'ya amme!» yee hajajinsa. Insano hoodesi dirritu. Hakkunni gedensaanni Yordaanoosinni Moaabi sayissanno lawo amadde mittu mannino sa"annokki gede hooltu. |
|
| 29 |
|
| Hakko barra, jawaatanna wolqaataamma ikkitinore 10,000 Moaaboota mittuno gattukkinni shite guddu. |
|
| 30 |
|
| Hakko barra Israeele Moaabi qeeltu; baattono 80 diri geeshsha keere afidhu. |
|
| 31 |
|
| Naoodi gedensaanni kainohu Anaati beetti Semegaari, 600 Filisxeeme, handa hawuurranni gatiminni shiino. Isino hattonni Israeele diinu anganni gatisino. |
|
|
|
|