Momo veyaiya loviunda viavo lolombalaka viavo. Veya owiñi ndolohuma. Oku va tenda, ovo kumue lolongamelo viavo, ka ca tẽliwile. Veya vofeka oku yi nyõla.
oco Yehova wa tuma uprofeto ku va Isareli. Eye wa popia lavo hati, Ca popia Yehova Suku ya Isareli, ceci, hati, Ame nda wupi kEgito, nda wupi konjo yupika.
Ungelo wa Yehova weya, yu wa tumala vemi liocinendele co kOfira, ca kala ca Yoasi, u Aviyesere. Omolaye Gideone wa kala loku sasa otiliku vocikoselo cayuva, oco va Midiane ka va ka yi mõle.
Gideone wa popia laye hati, A ñala yange, nda Yehova o kasi letu, oco hẽ, ovina evi viosi via tu wilila nye? Ovikomo viaye viosi vi kasi pi? Vina olosekulu vietu via tu sapowaila, vati, Yehova ka tupile hẽ kEgito? Puãi cilo Yehova wa tu takumũla, kuenda wa tu eca peka lia va Midiane.
Oco Gideone wa iñila vonjo, wa teleka okahombo, wa panga olombolo ka vi kuete etumbisa lefa liosema. Ositu yaco wa yi kapa vohumba, lusole waco wa witila vombia. Cosi wo ci tualela vemi liocinendele. Yu wo ci tumbikila.
Ungelo wa Yehova wa tandaveka ombueti ya kala peka liaye, kuenje losungu yaco wa lamba ositu lolombolo ka vi kuete etumbisa. Oco kewe kua tunda ondalu ya lia ositu lolombolo ka vi kuete etumbisa. Kuenje ungelo wa Yehova wa senguluka kovaso aye.
Kuteke waco, Yehova wa popia laye hati, Kuata onui ya so, yina yavali yanyamo epanduvali. Lundula utala wa Baale, una u kuete so, timbula oviti vi kola vi kasi konele yawo.
Tungila Yehova Suku yove utala wovawe a longekiwa ciwa kilu liewe lilo. Kuata onui yavali, yi lumba ndocilumba coku pia elisi, lolohui vioviti vi kola o laika oku timbula.
Oco Gideone wa enda lekui lialume, akuenje vaye, yu wa linga ndeci Yehova o sapuilile. Puãi omo a yokokela vakuepata liaye lavakuimbo, oco ka tẽlele oku ci linga utanya, puãi wa ci linga uteke.
Eci vakuimbo va pasuka ociteketeke, tala, utala wa Baale wa leñuhapo, loviti vi kola viokonele yawo via timbuiwa, kuenda onui yavali ya lumbilua kutala waco wa tungiwa.
Yoasi wa popia la vosi va wongolokela, hati, Ene nga vu tundila Baale olunda? Ene nga vu u kuatisiko? U u tundila olunda, o fa muẽle omelilo. Nda Baale osuku, a litundile eye muẽle olunda, momo utala waye wa leñuiwa.
tala, ñapa ocipa comeme pocimbandi. Nda kocipa lika ku wila olume, kuenda osi yosi ya kukuta, oco ndimbuka okuti ove o yongola oku popela Isareli leka liange, ndomo wa ci popia.
Gideone wa popia la Suku hati, Onyeño yove ka yi ka mbuengukile, puãi mopia ño lumosi. Hu pinga, linga handi ndi seteke onjanja yimosi lika locipa. Tava okuti ocipa lika ci kukuta, osi yosi yi yule lolume.