Daoã da boondame t'a Elimelɛk, a paga, a Nowemi, a kamba: a Malõ la a Kilyõ. B ra yita Efrata sakẽ, Bɛtelyɛɛm tẽnga, Zɩɩda soolmẽ. B sẽn ta Moab rãmb wetẽ, b paama zĩig n kẽ.
A Nowemi tees n yeela a bi-pagbã: «Lebg-y, ned kam fãa leb a ma roogẽ la Wẽnd na zã-y b nugẽ, daar fãa, wala y sẽn zã y sɩdb rãmba sẽn ka wã la mam menga.
Kuli yã, m kamba, leb-y y tẽnsẽ tɩ m lebga pʋg-yãanga, m ka tõe n le yi kãadem ye. Ba m sã n yeel tɩ tẽeb ket n bee me, m sã n yeel tɩ yʋnga bala m na n paama sɩda n dog kamba,
y na yaas n gũ tɩ b lebg bɛda? Y na mong-y mens sɩda? Ayey! M kamba, m sũ-sãanga looga toogo, a zʋʋga yãmb rẽnna, yaa mam zug la Wẽnd zɩsg b nugã n yɩɩda.»
M da tara fãa m sẽn waa n dabda la Wẽnd ka sak tɩ m lɛɛg n wa ne bũmb ye. Bõe yĩng la y na n kell n bool m t'a Nowemi? Ka Wẽnd nimbãan-zoeer kaset la m dɩ ye, yaa pɛt la m dɩ yã.»