Täämɛ ni̱ni tëë la rui̱c Rueec, cuɛ tekɛ buɔth muun, kä cuɛ tekɛ wut wec mi cɔali Beth-lɛ-ɣɛm ro̱o̱l Juda mi cu wä cieŋ muun Mo-ab kɛnɛ ciekdɛ kɛ gaatkɛ kɛɛl.
Kä min tekɛ jäl ci Na-omi män gankɛ jiök, “Wiaa jɔk, wiaakɛ, a ramɔ loc dhɔɔriɛn. Kä a Kuoth Nhial lät yɛ kä ciaŋ gɔɔyä ce̱t min cia ciaŋ gɔɔyä lät kä gaatkä ti̱n cia jɔɔk amäni ɣän bä.
Kä cu Ruth ɛ lar, “/Cu ɣä jakä ba̱nyä ji̱ piny. A wa̱a̱ kɛ ji̱ kɛɛl, kɛ ɣöö gua̱a̱th in bi wä thi̱n, bä wä thi̱n, kä gua̱a̱th in bi cieŋ thi̱n, bä cieŋ thi̱n. Bi nɛɛku a nɛɛkä, kä Kuothdu bɛ la Kuothdä.
Bi gua̱a̱th liɛɛthdu a gua̱a̱th liɛɛthdä, kä ba ɣä kony thi̱n. Kä nɛn ɛ, mi tëë kɛ mi bi kamdan da̱a̱k ɛ ni mi dääkɛ lia̱a̱, mi /ciɛ jɛn inɔ, a Kuoth Nhial re̱e̱p waaŋ lɔaacdɛ kɛ ɣä.”
Ɣän ria̱ŋä mëë kacä raar, kä ci Kuoth Nhial ɣä luɔ̱ɔ̱c kɛ te̱tkä. Kua ɣä lɛ ciöl ŋu i̱ Na-omi kä ci Kuoth Nhial ɣä liɛc kɛ waŋ mi jiääk, kä jɛn Kuoth in le̱ny buɔ̱mdɛ ti diaal cɛ ɣä moc kɛ riɛk?”