A Booz yeelame: «Wẽnd na ning f bark, m biiga, fo sẽn maand marsã wã yaa neer n yɩɩd waoogr ning f sẽn waoog buuda pĩnda tɩ f ra tõe n baoẽ la arzɛk rãmba bɩ naong rãmba sẽn ya kom-bɩɩba n yi kãadem ne bãmba.
Dɩlla pa ka yʋngã la beoog yibeoogo m na wilg roagdã t'a sã n dat-fo, a na yao a sẽn tog n yao bũmb ningã tɩ f yaool n kul-a. A sã n yeel t'a yam ka foo, m wẽend ne Wẽnd tɩ m na reeg-fo, la pa ka n ta beoogo.»
A Rut paa a gãagẽ wã. A Booz yika zĩiga sẽn wa n ket n ya pʋlʋm-pʋlʋm tɩ ned ka tõe n bãng a to n bake. A ra yeta a meng tɩ ka tog tɩ b bãng tɩ pʋg kãnga n wa zɛɛgẽ wã ye.