Neitoki ninye ajoki lelo lo lgilata lenye, “Ore Naomi enoshi natushukunye te nkop e Moab, nemirita enkiti wueji e nkop apa o ltung'ani lo lgilata lang oji Elimelek.
Ele apa olkerreti too le Israel too nkolong'i e apa, too mbaa naaipirta elakunoto o ewalunoto; ore pee eitisipi enkinyiang'a neitayu oltung'ani enamuke neisho olikae, naa ena pukunoto apa enkitabaroto too Siraeli.
Neitoki Boas ajoki lelo payiani o ltung'ana pooki, “Irara intae ilchakenini ena olong nchere ainyang'ua nanu te nkaina e Naomi nena pooki apa naara ine Elimelek, o pooki naara ine Kilion o Mahalon.
O Rusi sii ina tito oo Lmoabu, ina oliai e Mahalon, ainyang'ua nanu ninye metaa enkitok ai, pee eitudupari enkarna e ilo otua te njung'ore enye, pee meiminieki enkarna e ilo lemeishu too lalashera lenyena, o te kishomi e wueji enye; irara intae ilchakenini ena olong.”