×

أَتَّوْرَتْ دَ أَنَّبَاوَا 2020

1 Samaʼila 10

1
سَيْ سَمَٰعِيلَ يَطَوْكِ یَرْ ݣُولَبَرْ مَيْ نَكٜىٰٻٜىٰوَ يَظُبَاوَ طَالُوتَ عَكَيْ، يَسُمْبَثٜىٰشِ، سَعَنً يَثٜىٰمَسَ «غَاشِ، يَوْ يَهْوٜىٰهْ يَاذَاٻٜىٰكَ يَاكُمَ نَطَكَ سَرْكِے عَكَنْ غَادُوانْسَ، وَتُواْ إِسْرَٰٓءِيلَ؞»
2
سَعَدَّ كَرَبُ دَنِے يَوْ، ذَاكَ سَدُ دَ مَظَا بِيُ كُسَدَ كَبَرِنْ رَحِيلَةُ أَ ظٜىٰلْظَ عَ إِيَاكَرْ يَنْكِنْ بِلِيَامِنُ؞ مُتَنٜىٰنْ ذَاسُ ڢَطَا مَكَ ثٜىٰوَ أَنْسَامِ جَاكُنَنْدَ كَڢِتَ نٜىٰمَ؞ يَنْذُ بَابَنْكَ يَبَرْ دَامُوَ عَكَنْسُ، يَڢَارَ دَامُوَ عَكَنْكُ، يَنَ تَتَمْبَيَ يَنَ ثٜىٰوَ «تُواْ، مٜىٰ ذَنْيِ غَمٜىٰدَ طَانَ؟»
3
«سَعَنً كَثِيغَبَدَ تَڢِيَ حَرْ سَيْ كَكَيْ ڧَتُوانْ إِتَاثٜىٰنْ ڟَاڢِنَّنْ أَ تَبُوارْ؞ أَوُرِنْ نٜىٰ مَظَا عُكُ ذَاسُ سَدُ دَكَيْ ذَاسُجٜىٰ مِيڧَ هَدَايَ غَ اللَّهْ أَ بٜىٰتٜىٰلْ؞ مُتُمْ نَڢَرْكُواْ يَنَ رِڧٜىٰ دَ یَنْ أَوَكِ عُكُ؞ نَبِيُنْ كُمَ يَنَ رِڧٜىٰ دَ دُنْڧُلٜىٰنْ غُرَاسَ عُكُ؞ نَعُكُنْ يَنَ رِڧٜىٰ دَ سَلْكَ ثِكٜىٰ دَ ضُوً إِنَبِے؞
4
ذَاسُ غَيْشٜىٰكَ، سُمِيڧَ مَكَ دُنْڧُلٜىٰنْ غُرَاسَ بِيُ، ذَاكَ كُوَ كَرْٻَ؞
5
بَايَنْ وَنَّنْ كَوُثٜىٰ ذُوَا تُدُنْ اللَّهْ أَ غِبٜىٰيَ عِنْدَ ڢِلِسْتِيَاوَا سُكٜىٰ دَ بَرِكِنْ سُواْجَ؞ يَايِنْ دَ ذَاكُ شِغَ ثِكِنْ غَرِنْ، ذَاكُثِ كَرُواْ دَ ڧُنْ‌غِيَرْ أَنَّبَاوَا سُنَ غَنْ‌غَرُواْوَ دَغَ وُرِنْ سُجَّدَ عَكَنْ تُدُ؞ وَطَنْسُ مُتَنٜىٰ كُمَ ذَاسُ وُثٜىٰ غَبَنْسُ سُنَ كَطٜىٰ كَطٜىٰنْ مُواْلُواْ دَ غَرَايَ دَ تَمْبُرَ، سُنَ بُوشٜىٰ بُوشٜىٰنْ سَرٜىٰوَ؞ أَنَّبَاوَنَّنْ ذَاسُيِ تَڢِيَ سُنَ أَنَّبْثِ دَ إِيهُ دَ ضَوَ؞
6
«سَعَنً رُوحٌ يَهْوٜىٰهْ ذَيْ سَوْكُواْ مَكَ عَيَلْوَثٜىٰ دُواْمِنْ كَڢَارَ أَنَّبْثِ دَ إِيهُ دَ ضَوَ تَرٜىٰدَسُو، كَكُمَ ثَنْجُ كَذَمَ وَنِ مُتُمْ دَبَمْ؞
7
تُواْ، بَايَنْ عَلَمُنَّنْ سُكَ ڢَرُ، سَيْ كَعَيْكَتَ دُكْ أَبِنْدَ كَغَ يَيِݣَوْ، غَمَا اللَّهْ يَنَ تَرٜىٰدَكَيْ؞
8
«بَايَنْ حَكَ، سَيْ كَوُثٜىٰ ذُوَا غِلْغَلْ كَاڢِنْ إِنْ ذُواْ؞ ذَنْبِے بَايَنْكَ دُواْمِنْ إِنْمِيڧَ هَدَايَ تَڧُواْنَاوَا دَ تَڠَرَنْ زُمُنْثِ؞ دُواْلٜىٰنٜىٰ كَجِرَنِ أَوُرِنْ حَرْ ݣُونَكِے بَݣَويْ؞ سَعَدَّ نَذُواْ ذَنْ غَيَ مَكَ أَبِنْدَ ذَاكَيِ نَنْ غَبَ؞»
9
سَعَدَّ طَالُوتَ يَجُويَ ذَيْ تَاشِ دَغَ وُرِنْ سَمَٰعِيلَ، سَيْ اللَّهْ يَثَنْجَ وَ طَالُوتَ ذُوثِيَا، كُمَ دُكَنْ عَلَمُنْ دَ سَمَٰعِيلَ يَڢَطَا سُكَ ثِكَ أَ رَانَرْ نَنْ؞
10
دَ طَالُوتَ دَ مَعَيْكَثِنْسَ سُكَ إِسُواْ غِبٜىٰيَ، سَيْ يَسَدُ دَ وَتَ ڧُنْ‌غِيَرْ أَنَّبَاوَا تَنَ ذُوَا وُرِنْسَ؞ سَعَنً رُوحٌ اللَّهْ يَيِ إِيكُواْ عَكَنْسَ سَيْ يَڢَارَ أَنَّبْثِ دَ إِيهُ دَ ضَوَ أَڟَكِيَرْسُ؞
11
دَ مُتَنٜىٰنْ دَ سُكَ سَنْشِ كَاڢِنْ وَنَّنْ يَڢَرُ، سُكَغَ يَنَ أَنَّبْثِ تَرٜىٰدَ أَنَّبَاوَا، سَيْ مُتَنٜىٰنْ سُكَثٜىٰ وَجُونَ «شِنْ، مٜىٰيَسَامِ طَنْ كِشْ؟ طَالُوتَ شِے مَا أَنَّبِے نٜىٰ؟»
12
عَمَّا وَنِ وَنْدَ يَكٜىٰ ذَمَ أَوُرِنْ يَأَمْسَ يَثٜىٰ «سَوْرَنْ ڢَا، سُو مَا، بَسُنَدَ وَطَنْدَ سُكَ حَيْڢٜىٰسُبَ؟» تَهَكَنٜىٰ كَرِنْ مَغَنَرْ نَنْ مَيْ ثٜىٰوَ «طَالُوتَ شِے مَا أَنَّبِنٜىٰ؟» يَڢَارَ؞
13
دَ طَالُوتَ يَغَمَ أَنَّبْثِنْسَ سَيْ يَهَوْرَ يَشِغَ وُرِنْ سُجَّدَ عَكَنْ تُدُ؞
14
دَ يَكَيْ غِدَا سَيْ طَنْعُوَنْ بَابَنْ طَالُوتَ يَتَمْبَيِ طَالُوتَ دَ مَعَيْكَثِنْسَ يَثٜىٰ «إِنَا كُكَ تَڢِے؟» سُكَ أَمْسَ «مُنْ تَڢِے نٜىٰمَنْ جَاكُنَنٜىٰ؞ دَ بَمُسَامٜىٰسُبَ، سَيْمُكَ تَڢِے نٜىٰمَنْ شَوَرَا أَوُرِنْ سَمَٰعِيلَ؞»
15
سَيْ طَنْعُوَنْ بَابَنْ طَالُوتَ يَسَاكٜىٰ تَمْبَيٜىٰسُ يَثٜىٰ «مٜىٰيَثٜىٰ مُكُ؟»
16
طَالُوتَ يَأَمْسَ ثٜىٰوَ «يَثٜىٰمَنَ أَنْسَامِ جَاكُنَنْ؞» عَمَّا بَيْ ڢَطَا وَطَنْعُوَنْ بَابَنْسَ مَغَنَرْ سَمَٰعِيلَ وَدَّ يَثٜىٰ ذَيْ ذَمَ سَرْكِے بَ؞
17
سَمَٰعِيلَ يَتَتَّارَ مُتَنٜىٰنْ إِسْرَٰٓءِيلَ دُكَ سُهَطُ دَ يَهْوٜىٰهْ أَ مِظْڢَ؞
18
سَيْ يَثٜىٰمُسُ «غَا أَبِنْدَ يَهْوٜىٰهْ اللَّهْ نَ إِسْرَٰٓءِيلَ يَڢَطَا، ‹نَا ڢِتَرْدَ إِسْرَٰٓءِيلَ دَغَ ڧَسَرْ مَصَرْ، نَا كُوَ ثٜىٰثٜىٰكُ دَغَ حَنُّنْ مَصَرَاوَا دَ كُمَ دَغَ حَنُّنْ دُكَنْ مُلْكُواْكِنْ دَسُكٜىٰ دَنّٜىٰكُ؞
19
عَمَّا غَاشِ يَوْ كُنْڧِ نِے اللَّهْ وَنْدَ يَثٜىٰثٜىٰكُ دَغَ وَهَلُواْلِنْكُ دَ مَسِيڢُنْكُ؞ كُكَڧِينِ كُنَ ثٜىٰوَ لَلَّيْ سَيْ إِنْ نَطَ مُكُ سَرْكِے!› يَنْذُ سَيْ كُجٜىٰرَ كَنْكُ أَغَبَنْ يَهْوٜىٰهْ ذُرِيَ ذُرِيَ دَ دَنْ‌غِ دَنْ‌غِ؞»
20
سَمَٰعِيلَ يَكَٰوُاْ إِسْرَٰٓءِيلَاوَا ذُرِيَ ذُرِيَ، سَيْ أَنْذَاٻِ ذُرِيَرْ بِلِيَامِنُ؞
21
سَيْ سَمَٰعِيلَ يَكَٰوُاْ ذُرِيَرْ بِلِيَامِنُ عِيَلِ عِيَلِ، سَيْ أَنْذَاٻِ عِيَلِنْ مَتِرِ؞ عَڧَرْشٜىٰ عَكَ ذَاٻِ طَالُوتَ طَنْ كِشْ دَغَ ثِكِنْسُ؞ عَمَّا دَ عَكَ نٜىٰمٜىٰشِ بَعَ سَامٜىٰشِيبَ؞
22
سَيْ مُتَنٜىٰ سُكَ تَمْبَيِ يَهْوٜىٰهْ سُكَثٜىٰ «كُواْ مُتُمِنْ يَذُواْ؟» سَيْ يَهْوٜىٰهْ يَأَمْسَ يَثٜىٰ «عِ، غَاشِ يَٻُواْيٜىٰ كَنْسَ ثِكِنْ كَايَنْ دَ عَكَ تَارَ؞»
23
عَكَتَڢِے أَغُجٜىٰ عَكَ كَٰوُاْ طَالُوتَ ثِكِنْ مُتَنٜىٰ؞ دَ طَالُوتَ يَڟَيَ، سَيْ عَكَغَ يَڢِ كُواْوَ ڟَيِ دَغَ كَڢَطَرْسَ؞
24
سَمَٰعِيلَ يَثٜىٰ وَجَمَعَ «غَا مُتُمِنْ دَ يَهْوٜىٰهْ يَكٜىٰٻٜىٰ! بَابُوَنِ كَمَرْسَ أَ جَمَعَ؞» سَيْ دُكَنْ جَمَعَ سُكَتَادَ مُرْيَ سُكَثٜىٰ «رَنْ سَرْكِے يَدَطٜىٰ!»
25
سَمَٰعِيلَ كُوَ يَبَيَّنَ وَمُتَنٜىٰ دُواْكَرْ ذَمَنْ سَرْكِے؞ سَيْ يَرُبُوتَتَ أَ لِتَّڢِ يَأَجِيٜىٰ أَغَبَنْ يَهْوٜىٰهْ أَ وُرِے مَيْ ڟَرْكِے؞ سَعَنً يَسَلَّمِ كُواْوَ يَكُواْمَ غِدَا؞
26
طَالُوتَ شِے مَا يَكُواْمَ غِدَنْسَ أَ غِبٜىٰيَ؞ وَطَنْسُ مَظَا مَاسُ ڧَرْڢِنْ ذُوثِيَا وَطَنْدَ اللَّهْ يَمُواْڟَ ظُكَاتَنْسُ سُكَ تَڢِے تَرٜىٰدَشِ؞
27
عَمَّا وَطَنْسُ یَنْ إِسْكَ سُكَثٜىٰ «يَيَ وَنَّنْ ذَيْ عِيَ ثٜىٰتُوانْمُ؟» سُكَ رٜىٰنَشِ حَرْ سُكَڧِ سُكَيْمَسَ ݣَوْتَيْ نَبَنْ غِرْمَ؞ طَالُوتَ كُوَ يَيِ شِضُ كَوَيْ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula