Laamiiɗo Ammooni'en jaabi ɓe: “To on ngerdake mi itta koo moy mooɗon yiitere mum nyaamre, haa mi toska Isra'iila fuu, nden kam mi haɓɓan alkawal man bee mooɗon.”
Ndotti'en Yaabes mbi'i mo: “Accu min nyalɗe joweeɗiɗi, haa min nelda habaru koo toy nder Isra'iila. To kisnanɗo min walaa, nden kam min laatoto maccuɓe ma.”
O hoo'i ga'i ɗiɗi, o ta'i ɗi geɓe geɓe, o neldi geɓe man koo toy nder Isra'iila. O umri nelaaɓe ɓe mbi'a: “Koo moy mo yahdaay bee Sawulu e Samuyila ngam haɓre, nii ga'i maako laatoto.” Jawmiraawo hulni Isra'iila'en fuu, haa ɓe fuu ɓe ngari bana goɗɗo gooto.