La a Naas, Amonitga, leok-b lame: «Mam na yõg zood ne yãmb, la rẽnd tɩ m deng n leo yãmb ned kamb fãa rɩtg nifu. M data woto n ning a Israyɛl zãng fãa yãnde.»
La ade, a Sol da yi-la a pʋʋgẽ n pʋgd a niis n watẽ, la a sokame: «Bõe n tar nebã tɩ b yãbda?» Tɩ b togs-a Yabɛs rãmba sẽn yeel koɛɛg ningã. A Sol sẽn wʋm rẽndã,
A yãka niis a yiibu, n bees ba, n tʋm neb Israyɛl tẽnsa fãa tɩ b tɩ yeele: «Sẽn pa boba zabre ne a Sol la a Samwɛl, yaa woto la b na n bees a soab niisi!» Soaala-Wẽnd kɩtame tɩ rabeem kãseng yõk nebã, tɩ b fãa gill yi wa nin-yende.
La a yeela b sẽn da tʋm b rãmbã: «Yeel-y Galaad Yabɛs tẽng rãmba: beoogo, wĩndga sã n wa zẽke n zabdẽ, y na n paama sõngre.» B sẽn leb b yiri, b taasa koɛɛgã Yabɛs rãmba, tɩ b sũur yɩ noogo.
Vẽkembeoogo, a Sol welga nebã zĩis a tã. Yibeoog pĩnda, b tɩ kẽe Amonitsã tãb-sikã, n zab ne-ba, al tɩ ta wĩnto-sʋka. Sẽn põs-ba sẽegame. Neb a yiib meng pa tõog n pa ne taab ye.
A Israyɛl kamba fãa kẽnga Gilgal, b zaondga a Sol a naam goeel zug, Soaala-Wẽnd taoore, n yet t'a yɩ b dĩma. Beene, b kʋʋ maando, laafi yĩnga la be me, a Sol ne Israyɛl gill maana kibs kãsenga.