Gwa rotoga Nahasi, wa setšhaba sa Baamoni, a rakelela motse wa Jabese wa ga Gileada. Banna ka moka ba Jabese ba tsebiša Nahasi ba re: A ntwa e fele, re be balata ba gago.
Bagolo ba Jabese ba fetola ba re: Re fe matšatši a šupago, re rome batseta ba ye dileteng ka moka tša Isiraele. Ge go ka hlokwa wa go re thuša, gona re tlo loba wena.
A hlaola dikgomo tše pedi a di kgabetla, a di romela dileteng tšohle tša Isiraele ka batseta, a re: E a sa tšwego dira le Saulo le Samuele, dikgomo tša gagwe di tlo dirwa ka mokgwa wo. Ke mo setšhaba ka moka se wetšwego ke tšhogo e tšwilego go Morena, ba tšwa e le batee.
Ba botša batseta bala ba ba tlilego, ba re: Botšang banna ba Jabese le re: Le tlo namolelwa bosasa mosegare sekgalela. Batseta ba boela ga gabo. Batho ba Jabese ge ba tlelwa ke lefoko leo, ba thaba.
Ka la ka moswana Saulo a laya dira, a dira diphohla tše tharo. Ba šwahlela mešaša ya Baamoni ka matlagosa, ba ba bolaya, la ba la hlaba la fiša. Mašaledi a phatlalatšwa, gwa se šale ba babedi ba le mmogo.
Setšhaba ka moka sa ya Giligala; ba bea Saulo a ba kgoši, ba le pele ga Morena gona moo Giligala. Ba tlišetša Morena didimo tša dileboga ba le ntshe. Lethabo la Saulo le la banna ba Isiraele ya ba le legolo.