Kä cu Thɔɔl nɛy ti bathdɔɔri diɔ̱k kuany kä ji̱ I-thɛ-rɛl. Cu nɛy ti bathdɔɔri rɛw te kɛɛl kɛ Thɔɔl kä Mik-mac, kɛnɛ wec päämni Beth-ɛl, kä cu nɛy ti bathdɔɔr te kɛɛl kɛ Jo-na-than kä Giba wec Ben-ya-min. Kä cuɛ duɔth nath jak kä wä dho̱rikiɛn.
Kä cu ji̱ Pi-li-thɛt rɔ dol kɛ ɣöö bikɛ nyiëëny kɛ I-thɛ-rɛl, thurbiɛɛli ti bathdɔɔri ti jiɛɛn diɔ̱k, kɛ jiöŋkööri ti bathdɔɔri bäkɛl, kɛ rɛm mi di̱i̱t ce̱tdɛ nikɛ liɛt yiëër kɛ ŋuan. Cukɛ ben pua̱t kä Mik-mac, nhiam ɣɔaa kä Beth-a-wɛn.
Kä cu Tha-muɛl wee i̱, “Ɛŋu ci la̱t ɔ?” Kä cu Thɔɔl ɛ loc i̱, “Min cä nath nɛn däkɛ piny kä ɣä, kä /keni ben kɛ ni̱n tëë ci lar, kä ci ji̱ Pi-li-thɛt rɔ̱ dol kä Mik-mac,
Kä cu Tha-muɛl ɛ jiök i̱, “Ci lät ni dɔ̱ɔ̱rä, /keni lueek Kuɔth Nhial Kuothdu tit, tëë cɛ la̱t ji̱. Kɛ ɣöö dëë Kuoth Nhial ji̱ jak kä kuäär kä I-thɛ-rɛl amäni cäŋ kɛl.