×

أَتَّوْرَتْ دَ أَنَّبَاوَا 2020

1 Samaʼila 15

1
سَمَٰعِيلَ يَثٜىٰ وَ طَالُوتَ «نِنٜىٰ يَهْوٜىٰهْ يَعَيْكٜىٰنِ إِنْ ذَاٻٜىٰكَ إِنْكُمَ نَطَكَ سَرْكِے عَكَنْ مُتَنٜىٰنْسَ إِسْرَٰٓءِيلَ؞ دُواْمِنْ حَكَ كَجِ أَبِنْدَ يَهْوٜىٰهْ يَثٜىٰ؞
2
يَهْوٜىٰهْ مَيْ إِيكُواْ دُكَ يَثٜىٰ، ‹ذَنْ حُكُنْتَ أَمَلٜىٰكَاوَا سَبُواْدَ أَ لُواْكَثِنْ دَ إِسْرَٰٓءِيلَاوَا سُكَ ڢِتَ دَغَ ڧَسَرْ مَصَرْ، أَمَلٜىٰكَاوَا سُنْيِ ڧُواْڧَرِ سُهَنَاسُ ذُوَا ڧَسَرْ كَنْعَنَ؞
3
سَيْ كَتَڢِے كَيِ يَاڧِ دَ أَمَلٜىٰكَاوَا، كَكٜىٰٻٜىٰسُ دُواْمِنْ هَلَّكَرْوَ؞ كَدَ كَبَرْ كُواْمٜىٰ؞ كَكَشٜىٰ مَظَا دَ مَاتَا، ڧأَنَانً يَارَا دَ جَرِرَيْ، شَانُو دَ تُمَكِ، رَاڧُمَ دَ جَاكُنَ؞› »
4
طَالُوتَ يَتَارَ سُواْجُواْجِنْسَ دُكَ أَ تٜىٰلٜىٰمْ؞ يَڧِرْغَسُ يَسَامِ مُتُمْ دُبُو غُواْمَ دَغَ يَهُودَ دَ مُتُمْ دُبُو طَرِے بِيُ دَغَ سَوْرَنْ ذُرِيَرْ إِسْرَٰٓءِيلَ؞
5
سَيْ طَالُوتَ يَتَڢِے بِرْنِنْ أَمَلٜىٰكْ يَٻُواْيٜىٰ كَنْسَ عَثِكِنْ ݣُورِ؞
6
طَالُوتَ يَعَيْكَ دَ سَڧُواْ ذُوَاغَ كٜىٰنِيَاوَا يَثٜىٰ «كُتَاشِ كُبَرْ أَمَلٜىٰكَاوَا، دُواْمِنْ كَدَ عَكَشٜىٰكُ تَرٜىٰدَسُو، سَبُواْدَ كُنْيِ وَ إِسْرَٰٓءِيلَاوَا كِرْكِ سَعَدَّ سُكَ ڢِتَ دَغَ ڧَسَرْ مَصَرْ؞» سَيْ كٜىٰنِيَاوَنْ سُكَ ڢِتَ سُكَ رَبُ دَ أَمَلٜىٰكَاوَنْ؞
7
طَالُوتَ يَثِ أَمَلٜىٰكَاوَا دَ يَاڧِ تُنْدَغَ هَوِلَ حَرْ ذُوَا شُرْ وَنْدَ يَكٜىٰ غَبَسْ دَ ڧَسَرْ مَصَرْ؞
8
يَكَامَ أَغَغْ سَرْكِنْ أَمَلٜىٰكْ دَ رَيْ؞ عَمَّا يَكَشٜىٰ دُكَنْ مُتَنٜىٰنْسَ دَ تَكُواْبِے؞
9
طَالُوتَ دَ سُواْجُواْجِنْسَ سُكَ بَرْ سَرْكِے أَغَغْ دَ رَيْ، تَرٜىٰدَ تُمَكِ مَڢِے ݣَوْ دَ شَانُو دَ یَیَنْ شَانُو دَ یَیَنْ تُمَكِ دَ كُمَ دُكْ أَبِنْدَ يَيِ مُسُ ݣَوْ سُواْسَيْ؞ دُكْ وَطَنَّنْ كُوَ بَسُ كَشٜىٰسُبَ؞ عَمَّا سُنْ كَشٜىٰ دُكَنْ دَبُّواْبِنْ دَسُكٜىٰ مَرَرْ لَاڢِيَ كُواْ مَرَرْ أَمْڢَانِ؞
10
سَيْ يَهْوٜىٰهْ يَيِ مَغَنَ دَ سَمَٰعِيلَ ثٜىٰوَ
11
«نَا يِبَڧِنْ ثِكِ دَ نَنَطَ طَالُوتَ سَرْكِے، غَمَا يَا جُويَا مِنِ بَايَ كُمَ بَيْ ثِكَ عُمَرْنِنَبَ؞» سَمَٰعِيلَ كُوَ يَدَامُ يَيِ تَضُواْڧُواْ غَ يَهْوٜىٰهْ دُكَنْ دَرٜىٰ؞
12
وَشٜىٰغَرِ دَ سَڢٜىٰ سَيْ يَتَاشِ يَنَ نٜىٰمَنْ طَالُوتَ؞ عَكَ ڢَطَا مَسَ ثٜىٰوَ طَالُوتَ يَتَڢِے كَرْمٜىٰلْ، عِنْدَ يَغِنَ وَكَنْسَ أَبِنْدَ ذَاعَ دِنْ‌غَ تُنَاوَا دَشِ؞ دَغَ ثَنْ يَوُثٜىٰ ذُوَا غِلْغَلْ؞
13
سَمَٰعِيلَ يَتَڢِے وُرِنْ طَالُوتَ؞ دَ طَالُوتَ يَغَنْشِ، سَيْيَثٜىٰ «سَلَمَ أَغَرٜىٰكَ! نَا ثِكَ عُمَرْنِنْ يَهْوٜىٰهْ!»
14
سَمَٰعِيلَ يَأَمْسَ يَثٜىٰ «تُواْ عِدَنْ حَكَنٜىٰ، مٜىٰنٜىٰنٜىٰ نَكٜىٰ جِ كَمَرْ كُوكَنْ تُمَكِ دَ نَشَانُو؟»
15
طَالُوتَ يَأَمْسَ يَثٜىٰ «أَنْ كَٰوُاْسُ دَغَ أَمَلٜىٰكْ نٜىٰ؞ غَمَا سُواْجُواْجِنْ بَسُ سُواْ سُكَكَّشٜىٰ تُمَكِ دَ شَانُو مَڢِے ݣَوْ عَبَنْظَ بَ، دُواْمِنْ حَكَ سُكَ كَٰوُاْسُ دُواْمِنْ هَدَايَ غَ يَهْوٜىٰهْ اللَّهْ نْكَ؞ عَمَّا مُنْ مِيڧَ سَوْرَنْ دُكَ هَدَايَ تَهَلَّكَرْوَ؞»
16
سَمَٰعِيلَ يَثٜىٰ وَ طَالُوتَ «ڟَيَ! بَرِ إِنْڢَطَا مَكَ دُكَنْ أَبِنْدَ يَهْوٜىٰهْ يَڢَطَا مِنِ أَدَرٜىٰنْ جِيَ؞» سَيْ طَالُوتَ يَأَمْسَ يَثٜىٰ «ڢَطَا مِنِ؞»
17
سَمَٰعِيلَ يَثٜىٰ «كُواْدَيَكٜىٰ كَنَ غَنِنْ كَنْكَ بَكُواْمٜىٰبَنٜىٰ، عَمَّا كَيْنٜىٰ شُوغَبَنْ ذُرِيَرْ إِسْرَٰٓءِيلَ؞ يَهْوٜىٰهْ يَاكٜىٰٻٜىٰكَ سَرْكِنْ إِسْرَٰٓءِيلَ؞
18
يَعَيْكٜىٰكَ كَجٜىٰ كَمِيڧَ مُوغَيٜىٰنْ مُتَنٜىٰنَّنْ نَ أَمَلٜىٰكْ هَدَايَ تَهَلَّكَرْوَ؞ يَثٜىٰ كَيَاڧٜىٰسُ حَرْ سَيْ كَاشَرٜىٰسُ كَكَڢْ؞
19
دُوانْمٜىٰ كَڧِ يِنْ بِيَيَّ غَ مَغَنَرْ يَهْوٜىٰهْ ؟ مٜىٰيَسَا كَڨُوثٜىٰ أَبُبُوَ مَڢِے ݣَوْ؟ دُوانْمٜىٰ كَيِ أَبِنْدَ يَكٜىٰ مُوغُ أَعِدَانُنْ يَهْوٜىٰهْ ؟»
20
طَالُوتَ يَأَمْسَ يَثٜىٰ «أَيْ، نَايِ بِيَيَّ دَ مُرْيَرْ يَهْوٜىٰهْ! نَتَڢِے عِنْدَ يَهْوٜىٰهْ يَعَيْكٜىٰنِ؞ نَمِيڧَ دُكَنْ أَمَلٜىٰكَاوَا هَدَايَ تَهَلَّكَرْوَ، نَكُمَ كَامَ أَغَغْ سَرْكِنْسُ نَكَٰوُاْ؞
21
سُواْجُواْجِ سُكَ طِبَ تُمَكِ دَ شَانُو دَغَ ثِكِنْ كَايَنْ دَ عَكَ ڨُوثٜىٰ، وَتُواْ أَبُبُوَ مَڢِے ݣَوْ دَغَ ثِكِنْ كَايَنْ دَ عَكَ كٜىٰٻٜىٰ دُواْمِنْ هَلَّكَرْوَ، دُواْمِنْ سُيِ هَدَايَ غَ يَهْوٜىٰهْ اللَّهْ نْكَ أَ غِلْغَلْ؞»
22
عَمَّا سَمَٰعِيلَ يَأَمْسَ يَثٜىٰ «مٜىٰنٜىٰنٜىٰ يَهْوٜىٰهْ يَڢِ جِنْ دَاطِنْسَ، بَيٜىٰ بَيٜىٰ دَ هَدَايُ نٜىٰ، كُواْ كُوَ يِنْ بِيَيَّ دَ مُرْيَرْسَ؟ بَاشَكَّ، يِنْ بِيَيَّ دَ مُرْيَرْسَ تَڢِے هَدَايَ؞ حَكَكُمَ بِنْ مَغَنَرْ اللَّهْ يَڢِ كِڟٜىٰنْ ضَغُواْ؞
23
غَمَا يِنْ تَاوَيٜىٰ غَ يَهْوٜىٰهْ دَيْدَيْ يَكٜىٰدَ يِنْ ذُنُوبِنْ دُوبَا؞ غِرْمَنْ كَيْ كُمَ دَيْدَيْ يَكٜىٰدَ ذُنُوبِنْ بَوْتَرْ غُمَكَ؞ سَبُواْدَ كَڧِجِنْ مَغَنَرْ يَهْوٜىٰهْ شِے مَا يَڧِكَ دَ ذَمَنْ سَرْكِے؞»
24
سَعَنً طَالُوتَ يَثٜىٰ وَ سَمَٰعِيلَ «نَيِ ذُنُوبِ؞ نَوُثٜىٰ غُواْنَ دَ إِرِ دَ أَبِنْدَ نَيِ غَمٜىٰدَ مَغَنَرْ يَهْوٜىٰهْ دَ كُمَ مَغَنَرْكَ، غَمَا نَا جِڟُواْرُوانْ سُواْجُواْجِ نٜىٰ؞ شِيَسَا نَيِ أَبِنْدَ سُكٜىٰسُواْ؞
25
يَنْذُ إِنَ ضُواْڧُوانْكَ، كَيَاڢٜىٰ مِنِ ذُنُوبِنَ، كَكُواْمَ تَرٜىٰدَنِ دُواْمِنْ إِنْيِ وَ يَهْوٜىٰهْ سُجَّدَ؞»
26
عَمَّا سَمَٰعِيلَ يَأَمْسَ مَسَ يَثٜىٰ «بَذَنْ كُواْمَ تَرٜىٰدَكَيْ بَ؞ سَبُواْدَ كَڧِجِنْ مَغَنَرْ يَهْوٜىٰهْ ، يَهْوٜىٰهْ شِے مَا يَڧِكَ دَ ذَمَنْ سَرْكِنْ إِسْرَٰٓءِيلَ؞»
27
دَ سَمَٰعِيلَ يَجُويَ ذَيْ تَڢِے، سَيْ طَالُوتَ يَكَامَ رِغَرْسَ حَرْ تَيَاغٜىٰ؞
28
سَمَٰعِيلَ يَثٜىٰ مَسَ «كَمَرْ يَدَّ كَيَاغٜىٰ رِغَاتَ، حَكَمَا يَوْ يَهْوٜىٰهْ يَيَاغٜىٰ مُلْكٍ إِسْرَٰٓءِيلَ دَغَ حَنُّنْكَ، يَبَا وَنِ وَنْدَ ذُوثِيَارْسَ تَڢِے تَاكَ؞
29
غَمَا مَطَوْكَكِ نَ إِسْرَٰٓءِيلَ بَايَ ڧَضْيَا، كُمَ بَايَ ثَنْجَ نِيَّرْسَ، دُواْمِنْ شِے بَمُتُمْ بَنٜىٰ دَ ذَيْ ثَنْجَ نِيَّرْسَ؞»
30
سَيْ طَالُوتَ يَثٜىٰ «نَيِ ذُنُوبِ؞ عَمَّا إِنَ ضُواْڧُوانْكَ كُواْ تَيَيَا دَيْ كَطَنْ غِرْمَمَنِ أَغَبَنْ شُوغَبَنِّنْ مُتَنٜىٰنَ دَ كُمَ إِسْرَٰٓءِيلَ دُكَ؞ كَدَاوُاْ تَرٜىٰدَنِ دُواْمِنْ إِنْسَامِ دَامَ إِنْيِ وَ يَهْوٜىٰهْ اللَّهْ نْكَ سُجَّدَ؞»
31
سَمَٰعِيلَ كُوَ يَكُواْمَ تَرٜىٰدَشِ، سَعَنً طَالُوتَ يَيِ وَ يَهْوٜىٰهْ سُجَّدَ؞
32
سَعَنً سَمَٰعِيلَ يَثٜىٰ «كُكَٰوُاْ مِنِ أَغَغْ سَرْكِنْ أَمَلٜىٰكْ أَنَنْ؞» أَغَغْ يَذُواْ بَابُ ڟُواْرُواْ يَنَ تُنَانِ أَ ذُوثِيَارْسَ ثٜىٰوَ «بَذَاعَ كَشٜىٰنِبَ؞»
33
سَمَٰعِيلَ يَثٜىٰ «كَمَرْ يَدَّ تَكُواْبِنْكَ يَمَيْدَ مَاتَادَيَوَ مَرَسَ یَیَ، حَكَكُمَ يَنْذُ مَامَرْكَ عِتَمَا ذَاتَ رَسَ يَرُوانْتَ؞» سَيْ يَيَيَّنْكَشِ أَغَبَنْ يَهْوٜىٰهْ أَ غِلْغَلْ؞
34
بَايَنْ حَكَ سَمَٰعِيلَ يَتَڢِے رَمَ، سَيْ طَالُوتَ يَكُواْمَ غِدَنْسَ أَ غِبٜىٰيَ؞
35
سَمَٰعِيلَ بَيْسَاكٜىٰ سَدُوَ دَ طَالُوتَ بَ دُكَنْ ݣُونَكِنْ رَنْسَ، عَمَّا سَمَٰعِيلَ يَيِ بَڧِنْ ثِكِ سُواْسَيْ عَكَنْ طَالُوتَ؞ يَهْوٜىٰهْ كُوَ بَيْجِ دَاطِے يَدَّ يَسَا طَالُوتَ يَذَمَ سَرْكِنْ إِسْرَٰٓءِيلَ بَ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula