Ki mwachi `Kamuktaindet ne Toroor Samuel koleenji, “Iriirchini Saulo kot kotyanit, ko uu ye koaeesye ineendet koek laitoryat eng' Israel? Inde mwaita laleng'ung' konyi ak itau panda iwe. Ayooktoin iwe kap Jesse Bethlehemindet, amu kaalewenjigei laitoryat eng' weeriikyik.”
Ki mwa Samuel kole, “Awetitoi ano? Ngot kogas Saulo, kobara.” Koleenji Kamuktaindet ne Toroor, “Kweri rooryat, ak imwa ile, ‘Kanyo aeng'ji Kamuktaindet ne Toroor.’
Ki yai Samuel kioto ki kamwa Kamuktaindet ne Toroor. Kingo it Bethlehem, kotorook ineendet poisyegap nganaseet kobotanionu. ki teebee ineendet koleenji, “Inyone eng' kaalyeet?”
Ak ki le, “Ee, anyoone eng' kaalyeet, kanyo aeng'ji Kamuktaindet ne Toroor. Otabaange anyun ak obwa keebe ole atisisye.” Ak ki itabaan Jesse ak weeriikyik ak koguur icheek kobwa ole tisiisyee.
Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”
Ki leenji `Samuel Jesse, “Mi yu lagoguk tugul?” Ak ki le, “Ta komi ne ming'in ne iyagi keechiirek.” Koleenji `Samuel Jesse, “Iyookte chiito kwo komut ineendet, amu ma kitebyei ng'wony agoi koit.”
Ki iyookto chiito, ak ki imut ineendet. Ki piriir, ak ki tinyei koonyek che korooron, ak ki karaaran. Ak ki le Kamuktaindet ne Toroor, “Ng'eet, iil ineendet, amu ineendet niito.”
Konem anyun Samuel lalet ne ki mi mwaita ak koiil ineendet eng' kwenutap tupchosyekyik. Ki nyoonji `Kabuusetap Kamuktaindet ne Toroor Daudi eng' kimnateet kobooch peetuunooto agoi. Kingo pata, kong'eet anyun Samuel ak kwo Ramah.
Ingong'at kiptaiyandennyo otwogikyik che mi tainnyi kocheeng' chiito ne putiin ketubet. Asi ye nyoonji tamirmiryet ne ya ne punu Kamuktaindet kobut ketubet eng' eunnyi si isap.”
Ki wolji anyun age eng' murenjoto chiget koleenji, “Ki ageer weeriit age ne po Jesse Bethlehemindet, ne putiin, chii ne kiim ne tinyei nyiganateet ak ko chiitap lugeet, ng'oom eng' ng'alaalet, inender ko chii ne karaaran ak komi Kamuktaindet ne Toroor kobooto ineendet.”
Ye kanyonji Saulo `tamirmiryet ne ya ne punu Kamuktaindet, ko ki inemu Daudi ketubet ak kobut, kogaigait Saulo ak komyeeit kogeny ak kwo eng' ineendet tamirmiryet ne ya.