Golịatị e wuzo, kpọcheni ndị-agha Izrẹlụ, sị, “Kị ụnụ a pụhanị, e dọn ogele agha? Ẹlẹ m onyẹ Filistia? Ụnụ ẹlẹ idibo Sọlụ? Họpụha nị okẹnnyẹ ohu, ụnụ e zi ẹ d'e kunrun m.
Eki e fọn Ụzụtụntụn, Defidi nọ la atụnrụn ndị hụ tọnị onyẹ ọzọ e du atụnrụn, buru ihiẹn ndị ahụn jẹnmẹ kẹ Jese nẹdi ẹ dọn gwa a. O ru ẹ, ndị-agha hụ jẹnkọhụ d'e werisọnmẹ ọnọdị agha nke ụhụọhịn hụ, yikọ oro agha —
Ebe ya lẹ wẹ rị e ku, e lee Golịatị eze-agha ndị Filistia hụ wụ onyẹ alị Gatị k'o gha ogele ẹ jẹnpụha, yimẹzi ihiẹn nwẹn o gi a kpọ Izrẹlụ mgba k'o mẹ mbụ, Defidi nọ nụ.
Ndị Izrẹlụ hụ a sị, “Ya hụnkwọ kẹ okẹnnyẹni dọn a pụha? Ọ pụha d'a kpọ ndị Izrẹlụ mgba. Eze k'e ye onyẹ sikọ d'e gbun'ẹ ihiẹn ọda-ọda, o jẹnkọ d'e wedẹ nwa a okpoho y'ẹ lụrụ, ọ hẹnhẹn ikpụlọ nẹdi ẹ ile, akụkọzị wẹ ụgwọ-isi!”
Defidi hụzị a jụ ndị wuzo ebe ọ rị, “Kịnị kẹ wẹ jẹnkọ d'e ye onyẹ gbu onyẹ Filistia-nị, wepụnị Izrẹlụ ifẹnrẹnni? Onyẹ wụdẹ nwan onyẹ Filistia-nị kwalẹni ugun, o gi a kpọ ndị-agha Chuku mgba, Chuku hụn rị ndụn?”
Defidi e bu ọpịa agha sọnn'ẹ che ọnọdị elu ẹwuru-agha hụ, kanị ọ nịn'a nwan jẹnhunmẹ, makẹni o yituni ụdị a mbụ. Ọ nọ sị, “Ndịnị anịkọ m jẹn ijẹn. Amarịn m ẹnya wẹ.” Ya kẹ ọ nọ gbụpụ wẹ.
Ọ nọ werihụ ọkpọ o gi e du anụ; ọ nọ gha imẹ iyi nta hụ rị e hu Ọdanmgbugbu hụ tụtụrụ akpụrụ-iyi isẹn riẹnni, bu wẹ che imẹ ẹkpa o bu e du anụ, weri araba, jẹnburu onyẹ Filistia hụ.
Defidi nọ sị a, “Ọpịa-agha lẹ obo lẹ obo ọnụ-suẹn-suẹn-suẹn k'i bula d'a lụsọn m ọgụn, kanị ihiẹn mmẹ gi bịa d'a lụsọn i ọgụn wụ ẹfan Osolobuẹ ihiẹn ile rị okpuru ẹ, Chuku ndị-agha Izrẹlụ, hụn ị rị a kpọ mgba a kpari!!
Osolobuẹ jẹnkọ d'e bu i che m ẹka tannị, e gbu m'i, beri i isi. M k'e we ozun ndị-agha Filistia ye nnụnụ lẹ anụmanụ, kẹni ụwa ile marịn nị Chuku hụn wụ Chuku nke-esi rị Izrẹlụ!
buche ẹka ẹkpa weri akpụrụ-iyi ohu, bu akpụrụ-iyi hụ che araba, fe ẹ, akpụrụ-iyi nọ tụ onyẹ Filistia hụ ezimezi ihun. Akpụrụ-iyi hụ nọ zụnban a ezimezi ihun; ọ nọ dan, we ihun kpu alị.
Defidi nọ gbaburu ẹ ebẹhụ ọ dantọ, hulụa a, zu ẹka ye ọpịa-agha okẹnnyẹ hu rị ọbụọ, sepụha a, gbu ẹ nwan, gi ọpịa-agha hụ beri ẹ isi. Ogẹn ndị Filistia gi hụn nị odogun wẹ a nwụnọlẹ, wẹ nọ gbehutọ, gbama ọsọ.
Ya kẹ ndị-agha Izrẹlụ lẹ Juda nọ zụnpụha, yi oro agha, chụ ndị Filistia, chụkwọ wẹ rị d'e ru ẹbụ Gatị lẹ ọnụ-ụgba Ẹkrọnụ. Ozun ndị Filistia e jun Ụzọ Shaaraim, d'e rukwọrị Gatị lẹ Ẹkrọnụ.
Ogẹn Sọlụ gi rị e lee Defidi k'o jẹnkọ d'a lụsọn onyẹ Filistia hụ ọgụn, ọ nọ jụ Abna, hụn wụ ọkị-agha a, “Abna, onyẹ mụ nwata-okẹnnyẹ hụ?” Abna nọ sị a, “Agụ, ma isi i, amarịn m.”