Ondaka katar o pero katar e filisteura likisto iek boñiko kai ikhardola Goliat kai saia katar o foro o Gat. O Goliat saia but baro, soke sea le trin pole llik upre,
Ta o Goliat thodape pe porrne te urkil e boñikonenge katar o Israel ta phenela: ¿Soke lachardilen te marenpe? ¿Ni sem me o Goliat a tumen e sluge katar o Saul? Esvirin iekhe llene tumendar te avel mande te marelpe manchar.
Saia iek lleno ando Belen katar o Juda kai ikhardola Isai, ta ando vreme kana gazdarila o Saul o Isai saia but phuro, ta sea le ojto chave. Iek lendar saia o David.
Thiarinako rano o David ustilo, mukla pe bakren te arakhel len aver lleno, ta llelo po drom e ezgodenchar kai diaia le o Isai. Ta avilo ando pero kana e boñikura lachardile te marenpe ta urkina o urkipe marimako.
Ta kana dela orba lenchar, o filisteo o Goliat katar o Gat likisto te ikharel e israelen te marenpe lea sar cherelale suako drom. Ta o David asunda le.
Ta phenena: ¿Dikhen sar likisto gua lleno? ¡Avel samo te del amen joli! Fiko te dobil le, o charo ka del le but barvalipe. Ka del le pe chea ta ni ka mangel ios katar leki familia te pochinen e love kai si te den.
Ondaka o David phenda e llenenge kai sea lea: ¿So ka den e llene kai ka dobil gole filisteo te lel o lallao katar o Israel, soke ko si gava filisteo kai blagosil avere delen te del joli e boñikonen katar o Del o llundo?
Ta o phlal mai purano katar o David kai ikhardola Eliab jolailo e Davidea kana asunda le, ta phenda leke: ¿Soke avilan karinga? ¿Kate muklan e bakren kai inai but? Me llanav soke avilan. Tu avilan samo te dikhe o maripe, soke andar o bilachipe katar cho lio avilan.
Cho sluga mundarda e liono ta e melledo. Ta gua filisteo kai blagosil avere delen ka avel sargo o liono ta o melledo, soke kusla e boñikonen katar o Del o llundo.
Ta o David thoda o jarni pe po kavisi ta nasti phirela soke ni saia sikado te llal gale patavenchar. Ta o David phenda e Sauleke: Nasti phirav soke ni sem sikado te phirav gale patavenchar. Ta o David ikanda petar gala patave.
A o David phenda leke: Tu ave te mareto manchar e jarniea ta e churiaia, a me avav ta marav man tuia ando anav e Devleko kai si le sa e zor, o Del e boñikonengo katar o Israel kai tu joliardan.
Allive o Del ka thovel tut ande me va, ta me ka mundarav tut ta ka chinav chi kor, ta e esnage mule katar e boñikura filisteura ka dav len e chiriklienge katar o miloso ta e zivirinienge katar e phuv te jan len. Ta ande sa e phuvia ka llanen kai ando Israel si o Del,
ta sa e llene kai si chidine kate ka llanen kai o Del ni braduil e jarnienchar ni e churienchar, soke o Del si gazda ando maripe, ta vou ka cherel te aven tumen ande amare va.
Ta o David ikanda katar pi anbava iek barr ta chudia le e ondaia, ta chalada ando chikat e filisteoko ta o barr achilo thodo ande leko chikat, ta o filisteo pelotar e moia pe phuv.
Ta o David prastia kai o filisteo ta thodape upral pe lete, lia leko jarni ta chinda leko soro. Ta kana e filisteura dikhle kai lengo mai zuralo boñiko mulo, nasle.
Ondaka e llene katar o Israel ta o Juda urkisarde urkipe marimako, ta prastie palal pala e filisteura llik kai e bari umal, ta llik e udara katar o foro o Ekron. Ta e filisteura peletar ranime po drom katar o Saarim llik kai o foro o Gat ta o foro o Ekron.
Ta kana o Saul dikhla e Davide kai llala te marelpe e filisteoia, puchla e Abnere o gazda katar e boñikura: Abner, ¿kako si gava chaurro? Ta o Abner phenda: