×

EBIBILIA ENCHENU 2020

1 SAMWELI 21

1
Daudi akagenda ase Ahimeleki omokuani agwo Nobu. Ahimeleki agacha komorotota ore nobwoba na okoiguswa, akamoboria, “Nase ki ore aye bweka otari na monto onde?”
2
Daudi akairaneria Ahimeleki omokuani, “Omoruoti onchikire gokora omoremo gete; ere nigo antebia ng’a timbaisa gotebia monto onde, erinde amanye igoro y’omoremo oyio antomire na gonchika ng’a nkore. Naende onchikire ng’a ng’umerane nabasomba baane aase gete.
3
Bono endagera ki obwate aa? Ing’a emegati etano, gose kende gionsi obwate aa.”
4
Omokuani oria akairaneria Daudi, “Timbwati emegati eria ya botambe aiga, korende emegati eria ere emechenu nereo, na nigo ndakoyee onye abamura abwo betangete na kwerita korwa ase abakungu.”
5
Daudi akairaneria omokuani, akamotebia, “Ekeene, twabeire twetangete korwa ase abakungu ase amatuko atato aerire, buna engencho yaito ere botambe, ekero tokogenda gokora emeremo gete; boigo ebikorero bi’abamura aba nigo bire ebichenu botambe, ekero tokogenda ase orogendo. Onye ayio are bo, naki rende rero ebikorero biabo tibiri ebichenu goetania?”
6
Ase ayio omokuani akaa Daudi emegati eria emechenu, ekiagera mogati onde torengeo otatiga eria konya yarusigwe korwa ase obosio bw’Omonene, erinde eyere iberera ebekweo ase rituko erio.
7
Bono ase rituko erio omonto oyomo bw’Edomu, okorokwa Doegi, nao arenge ase obosio bw’Omonene osiekeireo. Ere nigo arenge omoteneneri bw’abarisia ba Saulo.
8
Daudi akaboria Ahimeleki, “Nobwate aa ritimo gose omoro? Inche tinarentanete omoro one, gose ebirwanero binde bionsi, ekiagera omoremo oyio omoruoti anchigete gokora nigo oganetie okorwe ase obwango.”
9
Omokuani oria akamotebia, “Omoyio o Goliato, Omofilisti oria gwaitete agwo ase ense omweremo ya Ela, nore aa, oboire egetambaa na kogachwa magega y’egesibao ki’obokuani. Onye koyoganetie yoire, ekiagera onde omoao tori aa.” Daudi agateba, “Onde tori onga buna oyio, yong’e”.
10
Ase rituko erio Daudi akarua agwo, agatama korwa ase Saulo, akagenda ase Akisi, omoruoti o Gati,
11
Abasomba b’Akisi bakamokwana, “Inee! Oyo tari Daudi Omoruoti? Abakungu tibaterete igoro yaye kobagotenga, bakobora; Saulo oitire chilifu chiaye, korende Daudi oitire chilifu chiaye emerongo na emerongo?”
12
Ekero Daudi aigwete amang’ana ayio, akayabeka ase ebirengererio biaye, akairoka Akisi, omoruoti o Gati, mono.
13
Ase igo akaonchora okoba gwe chingencho chiaye ase amasio abo, agekora buna ebarimo na kona‐koara ebisieri biabo; na agatiga amate akana‐konyororoka korwa monwa, agaitekera chinderu chiaye.
14
Akisi agatebia abasomba baye, “Rora omonto oyo nebarimo. Nase ki mwamorenta asende?
15
Inee! Inche nigo mborire abanto chibarimo? Ninki kiagera mwarenta ebarimo eye gocha kogosoria obobarimo bwaye ase obosio bwane? Inee! Omonto buna oyo nanyore ribaga asoe nyomba mwane?”
Gussi Bible 2020
OLD EKEGUSII BIBLE PROTESTANT EDITION Bible Society of Kenya, 2020
:
Save Notes