Defidi nọ shi obodo Nọbụ d'e kunrun onyẹ nchụn-ẹjan wụ Ahimẹlẹkị. Ogẹn Ahimẹlẹkị gi hụn a, ẹhụ nọ mama Ahimẹlẹkị nni yeni egun, ọ nọ sị a, “Kị ịyụ sụọ wịnị? Kị haịn o gilẹni nwọn onyẹ ịyụ lẹ ịya wị?”
Defidi nọ sị Ahimẹlẹkị, “O nwọn ihiẹn eze zi m, sị m, ‘Y'e nwọnkwọlẹ onyẹ k'a marịn ihiẹn ọwụlẹ gbasharị ijẹn i lẹ ihiẹn m gwa ị.’ O mẹ nke ndị-agha rị itu m, a gwagụọ m wẹ ebe wẹ k'a bịa d'e kunrun m.
Ya onyẹ nchụn-ẹjan nọ we brẹdi hụ rị nsọ ye ẹ, ebe o mẹni brẹdi ọzọ arịzị a wezụka hụn rị nsọ, Brẹdi hụ w'e butọ ihun Osolobuẹ. Wẹ wepụgụ a hụ ihun Osolobuẹ kẹ w'e mẹ, gi hụn rị e kpọn ọkụn nọkin ẹnya a ogẹn hụ.
O nwọn odibo Sọlụ ohu rị ebẹhụ ụhụọhịn hụ, makẹni o ke fegụ ẹhụ ọ rị e fe ụlọ-Osolobuẹ ebẹhụ. Ẹfan a wụ Duẹgị; onyẹ Ẹdọm rọ; ịya wụ onyẹ-isi ndị e duni Sọlụ atụnrụn.
Ya ọ nọ gụnma agụngụn onyẹ uche ẹ zulẹni idẹnya wẹ; o mẹsọnmẹ kẹ onyẹ-ẹra ọrọgbọ hụ ọ rị nke wẹ, kayekọ ihiẹn ẹhue ọnụ-mgbọn wẹ, a nị udọnrọn a lọye ẹ ẹtu.