A Daviid soka Wẽnnaam. «M kẽng n tɩ zab ne Filisti rãmbã, m na tõog ba?» La Soaala-Wẽnd leokame: «Kẽnge! F na tõog Filisti rãmbã, la f na fãag Keyila.»
A Sol sẽn wʋm t'a Daviid kẽe Keyila, a yeelame: «Yaa Soaala-Wẽnd n yõk-a n kõ-ma tɩ yẽ n kẽng a toore n tɩ pag a meng tẽng sẽn tar kʋɩlense, la kʋɩlens sẽn sogd ne bãeense.»
La a Sol sã n wa, tẽnga nin-tɩɩsã na yõk-m n kɩs-a? A Sol na n sɩd waame, wala m sẽn wʋma bɩ? Soaala, a Israyɛl Wẽnnaam, sõng-y tɩ yãmb yamba bãnge!» Soaala-Wẽnd leokame: «A Sol na n waame.»
Rẽ n so t'a Daviid yik ne a neb sẽn da tõe n ta kobs-yoobe, b yii Keyila, la b sɩnga yeebgo. Kibarã t'a a Sol t'a Daviid yii Keyila la a Sol me basame tɩ sɛ.
A yeel-a lame: «Da zoe rabeem ye. M ba nug kõn sɩɩs-f ye. Fo n na n dɩ naam Israyɛl tẽnga la maam n na n yɩ f pipi sõangda. M ba, a Sol meng mii rẽnna.»
Mao-y n bãng a sẽn soond zĩis niynsa fãa la y sã n bãng vẽenega, bɩ y lebg n wa wilg maam. D na tũ taab n bao-a. A sã sɩd ket yam-yam, d na vɛɛs a Zɩɩda sagsa fãa, al n wa yãend-a.»
A Sol ne a nebã ra tũuda tãnga neng a yembre, t'a Daviid ne a nebã tũud neng a to wã. A Daviid da zoeta a Sol taoore ne a sũur fãa, la a Sol ne a neb ra wẽeda gũbri n na n yõk-a.