Ɣän cä liŋ i̱ ci miem deetku ŋuɔ̱k. Täämɛ medan yiëën deetku tekɛ kɛɛl kɛ nɛy, kä thilɛ mi jiääk mi ca̱kɔ lät kä kɛ, kä thilɛ mi ci bath kä kɛ, mëë te nɛy kɛɛl kɛ kä Kar-mɛl.
Thiec nɛɛku ba la̱r ji̱. Kɛ kui̱c ɛmɔ ɛ ŋuɛ̈tni kä jëkɛ gɔɔy kä ji̱. Kɛ ɣöö ci cäŋ ŋarä thia̱k. Mal ja̱a̱ŋku moc kɛ mɔ te thi̱n ɔ amäni gatdu ni Dee-bid.’ ”
Kä cuɛ nɛɛkɛ jiök i̱, “Ɛ ramɔ kän thɛpdɛ!” Kä cu ramɔ thɛpdɛ ka̱n, amäni Dee-bid cuɛ thɛpdɛ ka̱n. Kä cu nɛy ti kur ŋuaan wä kɔɔr Dee-bid, kä cu nɛy ti kur rɛw duɔth kut kuakni.
Kɛ kui̱c ɛ mɔ ŋäcni min bi la̱t. Kɛ ɣöö mi jiääk a bi ben ni kä kuääran, kɛnɛ ji̱ dhɔaarɛ diaal, kä jɛn ɛ ram mi jiäk ciaŋdɛ thilɛ ram mi dëë ruac kɛ jɛ.”
Ɛ jɛn cu Ä-bi-ga-yil pɛ̈th, cuɛ jurayni ti kur rɛw ka̱n, kɛ ɣöök kɔaaŋni da̱ŋ rɛw, kɛ rɔɔm dhieec ti ca bul, kɛ took kuan da̱ŋ dhieec, kɛ kar dɛɛni jiɛɛn ti kuɔr, kɛ pat patni ŋɔa̱a̱p ti kur rɛw, kä cuɛ kɛ la̱th jio̱kni muɔ̱li.
Kä cu Dee-bid wee i̱, “Ɛ puc dëë guecdä a baŋ kɛ nyin nɛɛni ti̱ti̱ diaal rɛy dɔaar, kä thilɛ mi ci bath kä nyinkiɛn diaal. Kä cɛ mi gɔaadä loc kɛ mi jiääk.
Kä täämɛ ɛ Kuoth Nhial gaŋ ji̱ mɔ kä näk nath kɛnɛ ɣöö bi rɔ col kɛ tëtdu, kä ɣän yacä rɔ kuäärä kɛ ciöt Kuɔth Nhial in tëk, ɛn ɣöö bi ji̱ tɛ̈ru kɛnɛ tin görkɛ ɣöö ba kuäärä lät kä mi jiääk ce̱tnikɛ Na-bal.
Kä mi tëë kɛ nɛy ti görkɛ tëkdu, bi tëkdu te rɛy yieenä teekä min gaŋkɛ ɛ Kuoth Nhial Kuothdu. Kä tëk ji̱ tɛ̈ru ba jɛ yuɔr ce̱tkɛ min la bäär ɛ yuɔrkɛ.
Ɛ puc nikɛ ciöt Kuɔth Nhial Kuoth I-thɛ-rɛl in tëk, min ci ɣä gaŋ näkdun, kä ci ji̱ jak kä pɛ̈th a ci röm kɛ ɣä, kɛ thuɔ̱k iruun kɛ runwaŋ thilɛ nɛy ti ŋuan ti dëë duɔth a tëk kä nɛɛ Na-bal a cäŋɛ ram kɛl.”
Kä cu Ä-bi-ga-yil ben kä Na-bal. Min ci mi̱eth la̱t cieŋ ce̱tnikɛ kuäär. Kä tɛth lɔcdɛ, kɛ ɣöö cɛ yɔ̱ŋ kɛ kɔaŋ. Kä /ken Ä-bi-ga-yil ɛ la̱r duɔ̱ɔ̱r amäni runwaŋ.
Kä mëë ci Dee-bid ɛ liŋ i̱ ci Na-bal li̱w, cuɛ wee i̱, “Puɔ̱th akɛ Kuoth Nhial in ci Kuëthdä min cä jek kä Na-bal col, kä cɛ ja̱ŋdɛ gaŋ kä mi jiääk. Ci Kuoth Nhial jiäk Na-bal luɔc ni wi̱i̱dɛ.” Kä cu Dee-bid Ä-bi-ga-yil jäk kä riet, thiecɛ jɛ kɛ ɣöö derɛ jɛ kuɛn ala ciekdɛ.