1
Omẹgụ Defidi nọ sị enwẹn ẹ, “Sọlụ k'e gbu m tan ụhụọhịn ohu. Ọ kakwọ m mma nị m gbashi alị Filistia. Ogẹn hụ, Sọlụ chọbe m imẹ Izrẹlụ ndụn a gu a, a wanahịn m'a.”
2
Ya Defidi lẹ madụ ọgụn-iri kwasị nnụ ahụn ya lẹ wẹ wị nọ gha alị Izrẹlụ pụ, buru Akishi nwa Mawọkụ eze alị Gatị ndị Filistia.
3
Ẹrịra kẹ Defidi lẹ itu ẹ gi jẹn d'a nọdịyeni Akishi imẹ Gatị. Onyẹ-onyẹ lẹ ikpụnọ a wị; Defidi nkẹ lẹ inyẹnmẹ ẹ ẹbụọ wị: Ahinụam onyẹ Jezriẹlụ lẹ Abigẹlụ onyẹ Kamẹlụ hụn te wụ nwunyẹ Nabalụ nị Nabalụ d'a nwụnhụn.
4
Ogẹn wẹ gi gwa Sọlụ nị Defidi a gbashigụọ Gatị, ọ nọ chọbehi ẹ.
5
Defidi nọ sị Akishi, “Omẹni ihiẹn m a sụọghọ ị, sị wẹ chọye m ebe m'e bi imẹ alị-ọfịa ohu rị ebeni. Nanị m'e sọndẹ i e biri imẹ obodo eze?”
6
Ya Akishi nọ we obodo Zik'lagị y'ẹ ụhụọhịn ahụn; (ndị nze Juda nwọnkwọ nwan Zik'lagị kete mgbẹhụ.)
7
Ahụa ohu lẹ ifọn ẹnọ kẹ Defidi bi alị ndị Filistia.
8
Defidi lẹ itu ẹ hụ e jẹn d'a lụsọn ndị Gẹshọ, ndị Gẹza lẹ ndị Amalẹki agha. (Gha ogẹn elu-mbụ lala ndịnị te bisọnmẹ ghakwọrị alị Shuru d'e ru alị Ijiptu.)
9
Ogẹn ọwụlẹ Defidi maye hụn ọwụlẹ imẹ ndịnị ọgụn, ara gbuhọdụ kaka akpụ okẹnnyẹ mọbụ okpoho ohu ẹgbẹrẹ hụ, kanị ọ kpụnrụn atụnrụn lẹ efin, jaki lẹ anyịnyan-mkpukpuke, kpọnrin ẹkwa. O mẹgụ, o kinhẹn d'e kunrun Akishi.
10
Akishi jụ a, “Onwọnni ndị ụnụ maye tannị?” Defidi a sị a, “M jẹn d'a maye ndị rị ẹbamịn ndịdan-mirin Juda” mọbụ “Ndị rị ndịdan-mirin Jẹramiẹlụ” mọbụ “Ndị rị ndịdan-mirin alị ndị Kẹni.”
11
Onwọnni okẹnnyẹ mọbụ okpoho o gbuhọdụ e wẹhẹ Gatị, makẹni, ọ sị, “O ru tan e kpu wẹ ẹnyi oro, sị wẹ ‘Lee ihiẹn Defidi mẹ.’ ” Ẹrịra k'o mẹchanrịn o we bigụ alị ndị Filistia.
12
Akishi nọ gichanrịn Defidi dọn ẹnya, a sị enwẹn ẹ, “Ize Defidi a bangụọ ndị Izrẹlụ ọda-ọda, onwọnzini k'o dọn gha okpuru m pụ!”
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc