To jotend jo-Filistia nokecho kode, mi giwachone niya, “Kwer jali odog kuma niketee, kik odhi kodwa kedo, nimar dipo kolokore jasikwa e lweny, nikech kodwaro ni owinjre gi ruodhe, to doneg man jowa.
Omiyo Akish noluongo Daudi, mowachone niya, “Gi nying Ruoth Nyasaye, in jaadiera, kendo an to aneno ni owinjore wadhi kodi e lweny, nikech pok aneno rach moro kuomi, chakre ndalo mane ibiroe ira, nyaka chil kawuono. To kata kamano, jodongo ok oyie kodi.
Akish nodwoke niya, “Ang’eyo ni isebedona jaadiera, mana kaka malaika mar Nyasaye, to kata kamano jotend jo-Filistia osedagi ni kik idhi kodgi e lweny.
Emomiyo kiny ichiew gokinyi mang’ich, kaachiel gi jotich ruodhu ma nubirogo, kendo umondi ka piny dwaro ru, mondo udog e dala ma namiyou. To kik ibed gi chuny moro marach, nikech an to ageni chuth.”