A noh thôhna noh liata Dâvi nata a chyhsazy cha Zikalâ tlô ei ta. Amale mo ta Neke nata Zikalâ khihpi chho ei ta. Zikalâ cha pahnie ei ta, mei ta rao ha ei ta.
Dâvi nata a chyhsazy cha khihpi vaw tlô ei ta, moh teh u, mei ta vaw kâ khai ha ta. Ama lapinôzy nata ama sawchapawzy nata ama sawchanôzy cha sei ta vaw patu ha ei ta.
Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.
Dâvi ta Abeipa a saohiah ta, “Pheisaihzy cha ei chadai aw ei ma? Ei pha aw ei ma?” tah ta. Abeipa ta a chhy ta, “A chadai teh, âmo cha pha cheingei aw chi ta, na chyhsazy na pachha khai heih aw ei,” tah ta.
Dâvi nata pheisaih za palihzy deikua cha, a chadai lymâ ei ta. Ama tha a chhâ tupa vâta chavah a chaka thei leipa manôh za nozy cha, Besô chavah liata a ngua ha ei ta.
theiku viahchhâ pakâhpa tlâ kha nata kre pachawhpa sao no pie ei ta. A nie khai nahta, a palôh tha vaw tlô heih ta. Noh thôh nata zâ thôh chhôh viahchhâ nie leipa nata ti do leipa ta a vaw ypa a châ.
Dâvi ta a hnohta, “Ahy chyhsa ma na châ? Khataih tawhta ma nâ vy?” tah ta. Ano ta, “Izi satlia châ na ta, Amale chyhsa chakaotuhpa ei châ. Ei tlâh leipa vâta noh thôh a khô hapa liana khata ei zibeipa ta eina siesai haw.
Dâvi ta a hnohta, “Cha pheisaihzy yna lâ cha einâ chhi thei aw chi ma?” tah ta. Ano ta, “Na thie lei awpa nata ei zibeipa ku liata na hlâ lei awpa ta, Khazohpa moh ta bie einâ taih khiah chi ta cha, pheisaihzy yna lâ cha ei châ chhi aw,” tah ta.
Izi chyhsa chata Dâvi cha Amale mo yna lâ a chhi ta. Moh teh u, Amale mo cha su to liata a vaw hiezâh hôlô ei ta. Philistia râh nata Zudâh râh tawhta hraona hluhpi ama lapa vâta niedopa nata lâsopa ta y ei ta.
Dâvi ta zâlâ noh hawh khaihpa tawhta a mylâ zâlâ taihta âmo cha thie ta, râraoseihpa kiah ta a râ hapa satlia za palih tah leipa ta cha, chyhsa pakha hmahta a hrohpa y veih ei.
Dâvi ta mietaku zaw nata viahchao zaw zydua la ta, pheisaihzy ta sahrohzy cha Dâvi hmia lâta haoh laih ei ta, “He he Dâvi hraopa a châ hih,” tah ei ta.
Ama tha a chhâ kawpa vâta Dâvi zi thei khao leipa ei ta, Besô chavah liata ama siesai hapa chyhsa za nozy yna kha Dâvi ta kei tlô ta. A sie thei khao leipazy chata Dâvi nata a chyhsazy dy awpa ta vaw pua ei ta. Dâvi ta âmo cha a kei hnia ta, a naoh ta.
Dâvi hnohta a siepazy hry liata moleipa nata chyhsa chhiepa zydua ta, “Eima hnohta sie hra tlôh leipa ei ta, chavâta hraona sôh eima la pakhuapazy he âmo pie hra aw ma pi, ama lapinô nata sawzy deikua cha a chhi aw ei ta, ama sie thei aw,” tah ei ta.
Dâvi ta, “Ei unawhzy saih u, Abeipa miah piepa hmo he cha hawhta nama tao awpa châ vei. Abeipa ta miah pabohsa ta, pheisaih miah a vaw siehnaopazy eima ku liata miah a pie haw.
Ahy ma he kyh liata châ nathlie aw ei? Adyuhna lâ a siepazy topa hawhta, hmobaoh vaih awpa ta a nguapazy chhao he ama to hra aw. Â khopa ta ama to hra awpa a châ,” tah ta.
Dâvi cha Zikalâ a vaw tlô nahta, hraona sôh thokhazy cha a viasa Zudâh machâzy paphao ta, ama hnohta, “He he nâmo châta hmosaipa a châ, Abeipa chariahpazy hraona sôh a châ hih,” tah ta.