Sọlụ nọ sị onyẹ hụn e bun'ẹ ihiẹn-ọgụn, “Sepụha ọpịa ị n'i zugbu m, o gini d'a kẹrẹni ndị Filistia nị kwalẹni ugun gbu m, a fa wẹ m.” Kanị egun anịnị hụn e bun'ẹ ihiẹn-ọgụn mẹ ẹ. Ya Sọlụ nọ weri ọpịa-agha a, dankwasị a.
Ogẹn ndị Izrẹlụ bi ẹbamịn ọwụwa-ẹnyanwụn Ọdanmgbugbu Jọdanị lẹ ndị hụn bi nfetu Jọdanị gi hụn a nị ndị-agha Izrẹlụ a gbagụọ ọsọ-agha lẹ nị Sọlụ lẹ ụmụ a ikẹnnyẹ a nwụnhụngụọ, wẹ nọ gba alị ndị wẹ bi tọgbọ. Ya ndị Filistia nọ bịa d'e biri alị ndị hụ.
Wẹ nọ beri isi Sọlụ, gbụnarịn a ẹwuru-agha igwe o yi, zi ndị ozi we ozi ọnwụn a ghagbarị alị Filistia d'a hị a ebe ile ụlọ-mmọn wẹ rị lẹ imẹ igunrun ndị nke wẹ.