فلستين بني اسرائيل جي سامهون صفون ٻڌيون ۽ جنگ شروع ڪيائون. سخت جنگ کان پوءِ هنن بني اسرائيل کي شڪست ڏني ۽ جنگ جي ميدان ۾ بني اسرائيل جا اٽڪل چار هزار ماڻهو ماري ڇڏيائون.
سو انهن سيلا شهر ڏانهن ماڻهو موڪليا جيڪي اُتان اها عهد واري صندوق ، جنهن تي پردار آسماني مخلوق جي مجسمن جي وچ ۾ قادرِمطلق خداوند تختنشين هو، سا کڻي آيا. عيليءَ جا ٻئي پٽ حفني ۽ فينحاس خدا جي عهد واري صندوق سان گڏ هئا.
تڏهن فلستين سخت جنگ ڪئي ۽ بني اسرائيل کي شڪست ڏنائون. پوءِ بني اسرائيل جا سڀيئي ماڻهو پنهنجن پنهنجن گھرن ڏانهن وٺي ڀڳا. تمام گھڻي خونريزي ٿي ۽ بني اسرائيل جا ٽيهہ هزار ماڻهو مارجي ويا.
عيلي جنهن جي عمر ان وقت اٺانوي سال هئي ۽ جنهن جي نظر بلڪل ختم ٿي ويئي هئي، تنهن جڏهن اهو روئڻ جو آواز ٻڌو تڏهن پڇيائين تہ ”هي روڄ راڙو ڇا جو آهي؟“ تڏهن اهو خبر آڻيندڙ ماڻهو تڪڙو تڪڙو اچي عيليءَ وٽ پهتو ۽ کيس جنگ جو احوال ڏيئي چيائين تہ
جيئن ئي هن خدا جي عهد واري صندوق جو ذڪر ڪيو تہ عيلي ڪرسيءَ جي پٺئين پاسي دروازي وٽ وڃي ڪريو. جيئن تہ هو پوڙهو ۽ ڳرو مڙس هو سو ڪرڻ سان سندس ڪنڌ ڀڄي پيو ۽ هو مري ويو. هو چاليهن سالن تائين بني اسرائيل جو رهبر رهندو آيو هو.